San Marcos 5:23 - Nuevo Testamento Tzeltal de Amatenango

²³ La skꞌanbe bayal pawor: —Te kantsil-nichꞌane ya xchamix. Ya kalbeyat te ya xba akajanbon akꞌab ta sjol yuꞌun jich ya xlekub a y sok ya xkuxuyin a —xchi.

Bible in Tzeltal Bachajón

²³ soc hich la yalbe bayel wocol ta stojol: Chamelix te cantsil-nich'an. Con, cajambon ac'ab ta stojol scuenta yu'un hich ya xcol a, hich cuxul ya xhil, xchi.

Bible in Tzeltal de Oxchuc y Tenejapa

²³ La yalbey bayal wocol: —Te cantsil-nich'ane lajelix. Ya calbat wocol te yacuc xba awac'bon ac'ab ta sjol, swenta yu'un ya xcol soc ya xcuxin —xi'.

San Marcos 5:23 ပူးပေါင်းရင်းမြစ်များ

San Mateo 8:3

Jich te Jesuse la skajanbe skꞌab ta sjol sok la yalbe: —Jichuk. Ya xkolat ta chamel —xchi. Te kꞌalal la yal jich te Jesuse, lekub ta ora te stiꞌbalule.

San Marcos 16:18

sok ay me ya stsak ta skꞌabik tiꞌawal chanetik, sok aunke ya yuchꞌik benenoe, ma tut ya spasbot yuꞌun. Sok ya me skajanbe skꞌabik ta sjol te jchameletike y ya xkol yuꞌunik —xchi te Jesuse.

San Marcos 5:24

Te Jesuse bajt sok te winike, sok bayal genteetik a tsꞌakliyot bael yuꞌun. Stenten sbaik kꞌael ta spat.

San Marcos 6:13

Y la slokꞌeslan jilel bayal pukujetik, sok la yakꞌtalanbe aseite ta sjol bayal chameletik, jich a kolik a.

San Marcos 7:32

Tey la yikꞌik tal jtul winik te ma xyaꞌi kꞌop sok ma xlokꞌ skꞌop. La skꞌanbeyik te yauk skajanbe skꞌab ta sjole.

San Marcos 8:23

Te Jesuse la stsakbe skꞌab te choke y la slokꞌes bael ta tiꞌ jtejklum. La yajtsesbey sit ta yaꞌlel stiꞌ y la spik ta skꞌab. La sjojkꞌobe: —¿Me ya awilix chꞌinuk? —xchi.

San Lucas 13:13

Jich a skajambe skꞌab ta sjol, y ora tojob spat te antse. Lijk yalbe kola yal Dios yuꞌun.

San Lucas 4:38

Lokꞌ tal ta sinagoga te Jesuse, bajt ta sna Simon. Te smeꞌnial te Simone ben tulan tabil ta kꞌajkꞌ. La skꞌambeyik pawor te Jesuse te yauk slekutesbe te skꞌajkꞌe.

San Lucas 4:40

Te kꞌalal xchꞌayix a te kꞌajkꞌale, spisil te machꞌatik ay yaj-chamelike te tutikuk nax chamelil yichꞌojike la yikꞌik tal ta stojol te Jesuse. La skajanbe skꞌab ta sjol jujutul, jicha lekub te xchamelike.

San Lucas 7:12

Nopol xlaj kꞌotix a, te ba tiꞌ jtejklume la yil choybil kꞌael jtul anima yuꞌun xbajt ta mukel. Te smeꞌe meꞌbaꞌ ants. Jip a te jtul yale. Joyinbil kꞌael yuꞌun bayal genteetik yuꞌun te jtejklume.

San Juan 11:3

Jaꞌ yuꞌun xchebal te wixiletike la stikonik mantal ba albek te Jesuse: —Kajwal, te awamigoe tabil ta chamel —xyut bael.

Hechos 28:8

Te stat jPublioe tabil ta chamel. Wayal ta swayib, yuꞌun yichꞌoj kꞌajkꞌ sok chꞌich tsaꞌanel. Jicha ba yulutay tal te jPablo, y patil te laj skꞌoponbe Diose, la skajanbe skꞌab ta sjol y lekub.

Hechos 6:6

Te nax a la yikꞌik bael te ba ay te apostoletike, la skꞌoponbeyik Dios y la skajanbe skꞌabik ta sjolik.

Hechos 8:17

Jich te jPedro sok te Juane la skajanlambe skꞌab ta sjolik, y jich a yikꞌtalanik ta yoꞌtanik te Chꞌul Espiritue.

Hechos 9:12

Yuꞌun la yilix ta stekꞌlejal yilel jtul winik te jꞌAnanias sbiile te ya xtal skajanbey skꞌab ta sjole, yuꞌun jich ya xwijkꞌ a te site —xchi a yaꞌiy.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.