San Marcos 5:18 - Nuevo Testamento Tzeltal de Amatenango

¹⁸ Te ya xꞌochix ta barko a te Jesuse, ba wokoletuk te winike te lokꞌemix pukujetik ta yoꞌtane, yuꞌun ya skꞌan te yakuk sjoyin baele.

Bible in Tzeltal Bachajón

¹⁸ Te c'alal yac ta ochel ta barco a te Jesús, halbot wocol yu'un te winic te ay pucujetic ta yo'tan ta nahil to te yacuc sjoquin bahel.

Bible in Tzeltal de Oxchuc y Tenejapa

¹⁸ Te c'alal och ta barco te Jesuse, caj yal bayal wocol te winic te loq'uemix pucujetic ta yo'tane, yu'un toyol yo'tan c'an sjoin bael.

San Marcos 5:18 ပူးပေါင်းရင်းမြစ်များ

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Marcos 5:15

Te kꞌalal kꞌoik te ba ay te Jesuse, te kꞌo yilik nakal a te winike, slapojix a te skꞌuꞌ-spakꞌe, sok ya snaꞌix kꞌinal a. Ma yanuk, jaꞌ te machꞌa ay bayal pukujetik ta yoꞌtan ta nail toe. Te genteetik bayal a xiꞌik yuꞌun.

San Marcos 5:16

Te machꞌatik la yilik te tutꞌil pasbot te winik te ay pukujetik ta yoꞌtan sok te chitametike, kꞌa yalbeyik te yanetike.

San Marcos 5:17

Jich tsꞌin te genteetik ba skꞌambeyik pawor te Jesuse te yauk xlokꞌ bael te ba slumalike.

San Marcos 5:7

Jich xꞌawet ta yalel: —Jesus, ¿tuꞌun a tal awochintayon?, jaꞌat te Xnichꞌanat te kuxul Dios te ay ta chꞌulchane. Ya kalbeyat wokol sok Dios, ma me xawilbajinon —xchi ta aw.