San Marcos 5:17 - Nuevo Testamento Tzeltal de Amatenango

¹⁷ Jich tsꞌin te genteetik ba skꞌambeyik pawor te Jesuse te yauk xlokꞌ bael te ba slumalike.

Bible in Tzeltal Bachajón

¹⁷ Hich hahch sc'ambeyic te Jesús te yacuc xloc' bahel ta sq'uinalic.

Bible in Tzeltal de Oxchuc y Tenejapa

¹⁷ Jich caj yalbeyic wocol te Jesuse, te yacuc loc'uc bael ta sq'uinalique.

San Marcos 5:17 ပူးပေါင်းရင်းမြစ်များ

San Mateo 8:34

Jich a lokꞌik tal spisil te jtejklume, talik te ba ay te Jesuse. Te kꞌalal la yilike, la skꞌanbeyik pawor te yauk xlokꞌ bael ta ba slumalike.

San Marcos 1:24

—Jesus Nazaret, ¿tuꞌun te tal awochintayotike? ¿Yuꞌun wan tal amilotik? Ya jnaꞌbeyat aba, jaꞌat te Chꞌul Nichꞌanat te Diose —la yut.

San Marcos 5:7

Jich xꞌawet ta yalel: —Jesus, ¿tuꞌun a tal awochintayon?, jaꞌat te Xnichꞌanat te kuxul Dios te ay ta chꞌulchane. Ya kalbeyat wokol sok Dios, ma me xawilbajinon —xchi ta aw.

San Lucas 5:8

Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

San Lucas 8:37

Spisil te genteetik te ayik ta slum Gadarae lijk skꞌambeyik pawor te Jesuse te yauk xlokꞌ bael te ba slumike, yuꞌun ben xlaj xiꞌ yuꞌun. Jicha och xan ta barko te Jesuse, sujt bael teꞌa te ba lijk tale.

Hechos 16:39

Jicha laj tal te alkaletike, tal skꞌanbeyik perdon ta stojol te jPablo sok te Silase. La slokꞌeslan bael y la skꞌanbeyik pawor te yauk xlokꞌik bael te ba jtejklume.