San Marcos 4:41 - Nuevo Testamento Tzeltal de Amatenango

⁴¹ Pero te stukelike bayal xiꞌel ay ta yoꞌtanik. La sjokꞌobey sbaik: —¿Machꞌa wan a to, asta ikꞌ sok mar ya xchꞌuumbot smantal yuꞌun? —xchiik.

Bible in Tzeltal Bachajón

⁴¹ Ha yu'un bayel xiwic, talel c'axel hich la sjoc'obe sbahic: ¿Mach'a a ini, te ha ch'uhumbil smandar yu'un te ic' soc te mar? xchihic yu'un.

Bible in Tzeltal de Oxchuc y Tenejapa

⁴¹ Bayal xiw yo'tanic yu'un ta spisilic. La yalbey sbaic: —¿Mach'a junuc a in to te ya xju' yu'un spasel ta mandal te iq'ue soc te ya xch'uunbot smandal yu'une? —xiic yu'un.

San Marcos 4:41 ပူးပေါင်းရင်းမြစ်များ

San Mateo 14:32

Kꞌalal moik bael ta barkoe, kom te ikꞌe.

San Mateo 8:27

Bayal aꞌabiyan yoꞌtanik yuꞌun te jnopojeletike. La yalik: —¡Tut xan winikil a to, te tsꞌin ya xkom yuꞌun te ikꞌe y asta ya xchꞌuunbot smantal yuꞌun te mare! —xchiik.

San Marcos 4:40

Patil la yalbe Jesus te nopojeletike: —¿Tuꞌun bayal xiꞌexe? ¿Me yuꞌun ma to ayuk xchꞌuunel awoꞌtanik? —xchi.

San Marcos 5:1

Kꞌoik ta jech mar ta slumal Gadaraetik.

San Marcos 5:33

Te antse lijk abeksik yuꞌun te xiꞌele, yuꞌun la snaꞌ te tutꞌil a spase. Jich a tal skejan sba ta yok, sok la yal ta jamal te tutꞌil aye.

San Marcos 7:37

Cham a yaꞌiyik te tut a kꞌot ta pasel. Jich la yalik: —Spisil tsaꞌam te tut ya spase. Asta te machꞌa ma xyaꞌi kꞌope, ya yaꞌi kꞌop yuꞌun. Sok te machꞌa ma xlokꞌ skꞌope, ya xkꞌopoj yuꞌun —xchiik.

San Lucas 4:36

Spisilik a xiꞌik yuꞌun, y lijk yalbe sbaik: —¿Tut skꞌopil a to? Te winik to yichꞌoj yaꞌtel sok ay spoder yuꞌun slokꞌesel pukujetik, yuꞌun ya nax yal mantal y ora ya xlokꞌ —xchiik.

San Lucas 8:25

Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

Apocalipsis 15:4

¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.