San Marcos 4:40 - Nuevo Testamento Tzeltal de Amatenango

⁴⁰ Patil la yalbe Jesus te nopojeletike: —¿Tuꞌun bayal xiꞌexe? ¿Me yuꞌun ma to ayuk xchꞌuunel awoꞌtanik? —xchi.

Bible in Tzeltal Bachajón

⁴⁰ Hich la yalbe te jnopojeletic yu'un: ¿Bin yu'un te yaquex ta xiwel? ¿Bin ut'il ay a te mayuc sch'uhunel awo'tanic? xchi sc'oblalic.

Bible in Tzeltal de Oxchuc y Tenejapa

⁴⁰ Te Jesús la sc'opon te jnopojeletique: —¿Bi yu'un te ya xiwexe? ¿Bit'il ay a te ma'yuc xch'uunjel awo'tanique? —la yut.

San Marcos 4:40 ပူးပေါင်းရင်းမြစ်များ

San Mateo 14:31

Te Jesuse tsꞌin a stsakbe skꞌab ta ora, jicha yalbe: —Maꞌyuk lek xchꞌuunel awoꞌtan ya kil. ¿Tuꞌun te ya xꞌaꞌabiyan awoꞌtane? —xchi.

San Mateo 16:8

Te Jesuse la snaꞌbe sluwaril te tuti lijk yalbe sbaike, y la yaltalanbe: —¿Tuꞌun ya awalbe abaik te maꞌyuk awichꞌoj awotike? Maꞌyuk lek xchꞌuunel awoꞌtanik te jaꞌexe.

San Mateo 6:30

Jich teme Dios la yakꞌ te ben tsaꞌam te nichimetik ta witse te jun nax kꞌaal kuxule y pajel ya yichꞌix chikꞌel a, ¿me yuꞌun wan ma jichuk ya skꞌuꞌultesex te jaꞌexe? ¿Tuꞌun te ma xchꞌuun awoꞌtanike?

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

San Marcos 4:41

Pero te stukelike bayal xiꞌel ay ta yoꞌtanik. La sjokꞌobey sbaik: —¿Machꞌa wan a to, asta ikꞌ sok mar ya xchꞌuumbot smantal yuꞌun? —xchiik.

San Lucas 8:25

Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.