San Marcos 4:34 - Nuevo Testamento Tzeltal de Amatenango

³⁴ Pero maꞌyuk a yal te ma ta seña-kꞌopuke. Yan te jnopojeletik klaro la yalbe spisil ta parte.

Bible in Tzeltal Bachajón

³⁴ Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

Bible in Tzeltal de Oxchuc y Tenejapa

³⁴ Ma'yuc bay jich nax a c'opoj, puersa la stuuntes seña-c'opetic. Yan te jnopojeletic yu'une jamal la xcholbey yaiyic spisil.

San Marcos 4:34 ပူးပေါင်းရင်းမြစ်များ

San Mateo 13:34

Spisil to te Jesuse la yaltalanbe ta seña-kꞌop te bayal genteetike. Maꞌyuk tuti yaltalanbe teme ma ta seña-kꞌopuke.

San Marcos 4:10

Kꞌalal xchꞌul tukel a jil te Jesuse, te machꞌatik tijil ay soke y sok te lajchaytul jnopojeletik lijk sjojkꞌobeyik tutꞌil ay sluwaril te seña-kꞌop te la yale.

San Marcos 4:33

Jich a yal ta pꞌijuteswanej ta skꞌop Dios te Jesuse ta puro ta seña kꞌop chikan te ba kꞌalal la yaꞌiybeyik sluware.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Juan 10:6

Jich a yal ta seña kꞌop te Jesuse, pero ma snaꞌbeyik sluwar te tuti yale.

San Juan 16:25

“La kalbeyex spisil to ta puru seña kꞌop, pero ya me sta yorail te makꞌ ya kalbeyexix ta seña kꞌopetike. Jamal me ya kalbeyex te tutꞌil ay skꞌoplal te Tatile.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.