San Marcos 4:24 - Nuevo Testamento Tzeltal de Amatenango

²⁴ Sok la yalbe xan: —Akꞌa me ta awoꞌtanik te tut yipalex ta yaꞌiyele. Mismo te spꞌisil te tut ya apꞌisik ae, mismo jachik ya spꞌisbeyex ekꞌa te Diose, y ya me yaꞌbeyex ta mas to xan a.

Bible in Tzeltal Bachajón

²⁴ Soc la yalbeyic: Tsahtaya me abahic yu'un te bin yac awa'iyic, como te bin yilel yac ap'is, ha nix hich yac awich' p'isbeyel, soc c'ax hich ya x'a'botat a,

Bible in Tzeltal de Oxchuc y Tenejapa

²⁴ Soc jich la yalbey xan: —Tey me xawac' awo'tanic a te bila la awaiyic stojole. Te jich yipal ya ap'ise, jich nix yipal ya sp'isbotat, soc c'axem to xan ya me yesmantesbeyex.

San Marcos 4:24 ပူးပေါင်းရင်းမြစ်များ

San Mateo 7:2

Jich te tutꞌil ya atabeyik ta alel yaꞌtel te yane, jaꞌ me jich ya stabeyex ta alel awaꞌtelik euk. Te jich yipal ya atabeyik ta alel yaꞌtel te yane, jich me yipal ya stabeyex ta alel awaꞌtelik euk te Diose.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Lucas 8:18

Jaꞌ yuꞌun ya me awakꞌ ta awoꞌtanik a te tut ya awaꞌibeyik sluware. Porke te machꞌa ay tut yichꞌoje, ya me xꞌaꞌbot xan sjoy. Yan te machꞌa maꞌyuk tut ay yuꞌune ya xpojbot te tut yichꞌoj chꞌinuke —xchi te Jesuse.

San Juan 10:16

Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 5:25

Jamal ya kalbeyex, ya staix yorail, y yorailix te ora to te ya yaꞌibe sluwar te animaetik te skꞌop te xNichꞌan Diose. Y te machꞌa ya yaꞌiye, ya xkuxuyinik yuꞌun.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

2 Corintios 9:6

Naꞌaik me to: Te machꞌa chꞌin nax ya stsꞌune, chin nax ya xlokꞌ te skosechae. Te machꞌa bayal ya stsꞌune, bayal me ya xlokꞌ te skosechae.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

1 Pedro 2:2

Jachikukex me te tutꞌil untik te ayinel toe, leaik me te lekil lech ta skuenta te Espiritue. Yuꞌun jich me ya xchꞌiex ta skuenta sok jich me ya ataik a te kolele,

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.