San Marcos 3:8 - Nuevo Testamento Tzeltal de Amatenango

⁸ Kꞌalal la yaꞌiyik te lom mukꞌ tutik ya spas te Jesuse, talik bayal genteetik ta Judea, sok ta jtejklum Jerusalen, sok ta Idumea, sok ta ba ay jechjaꞌ Jordan, sok ta jtejklum Tiro, sok ta jtejklum Sidon. Tal yilik te Jesuse.

Bible in Tzeltal Bachajón

⁸ Jerusalén, Idumea, ta jehch ha' Jordán soc ta sjoyobal Tiro soc Sidón. Tsobol talic ta t'unaw c'alal la ya'iyic te bin muc' yac spasticlambel te Jesús.

Bible in Tzeltal de Oxchuc y Tenejapa

⁸ Te c'alal la yaiyic stojol ta bayuc te bila muc' yac ta spasel te Jesuse, jich talic bayal ants-winiquetic ta bayuc. Ay talic ta sq'uinal Judea, soc ta muc'ul lum Jerusalén, soc ta bay sq'uinal Idumea, soc ta bay jejch' ja' Jordán, soc ta sjoylejal sq'uinal te lum Tiro soc te lum Sidone. Tal yilic te Jesuse.

San Marcos 3:8 ပူးပေါင်းရင်းမြစ်များ

San Mateo 11:21

—Te jaꞌat jtejklum Corazin, oꞌol me abaik. Sok te jaꞌat jtejkꞌum Betsaida, oꞌol me abaik euk. Te teꞌuk a yichꞌ pasel a te milagroetik te ba jtejklum Sidon jich tutꞌil te la yichꞌ pasel ta akuentaike, ora me la sujtes yoꞌtanik yuꞌun smulik te jichuke. La me slapik pakꞌ te ya xchꞌixtawane sok la me snajkꞌan sbaik ta tan yuꞌun yajtal yoꞌtanik yuꞌun smulik.

San Mateo 4:25

Bayal genteetik la stsꞌakliyik ta beel. Ay Galileaetik, sok ay machꞌatik talemik ta jtejklum Decapolis, sok ta mukꞌul jtejklum Jerusalen, sok ta estado yuꞌun Judea, sok ta jejch ukꞌum Jordan ta stojil slokꞌib kꞌajkꞌal.

San Marcos 7:24

Lokꞌ bael teꞌ a te Jesuse, bajt ta jtejklum Tiro sok jtejklum Sidon. Och ta na te a te Jesuse. Ma skꞌan te ay machꞌa ya yaꞌi te ba aye, pero ma juꞌ yuꞌun te la snakꞌ sbae.

San Marcos 7:31

Te Jesus lokꞌ bael ta slumal te jtejklum Tiro. Kꞌax bael ta jtejklum Sidon sok ta slumal Decapolis. Kꞌot ta tiꞌjaꞌ yuꞌun Galilea.

San Lucas 6:17

Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.