San Marcos 3:27 - Nuevo Testamento Tzeltal de Amatenango

²⁷ “Sok maꞌyuk machꞌa xjuꞌ xꞌoch a te ba sna jtul kꞌajkꞌal winik. Teme ya skꞌan yelkꞌanbe te tut ay yuꞌune, puersa me nail ya xchuk. Jich ya xjuꞌ yuꞌun ya yichꞌbey bael te tut ay yuꞌune.

Bible in Tzeltal Bachajón

²⁷ Mayuc mach'a ya xhu' ya yochintaybe sna te winic te ay yip yu'un ya spojbe sbiluc, teme ma ba nahil ya schuc; ha to ya xhu' ya spojbe a te sbiluque.

Bible in Tzeltal de Oxchuc y Tenejapa

²⁷ “Soc ma'yuc mach'a jich nax ya yochintaybey sna te c'ajc'al winique. Teme yo'tan ya sc'an yelc'anbey loq'uel te sbiluque, puersa me neel ya sc'ol ta chuquel. Jich ya xju' yu'un ya yich'bey bael te sbiluque.

San Marcos 3:27 ပူးပေါင်းရင်းမြစ်များ

San Mateo 12:29

“Jich teme ay machꞌa yoꞌtanuk ya skꞌan yochintaybe sna te kꞌakꞌal winike teme ya skꞌan yichꞌbe bael te tut ay yuꞌune, jaꞌ nail ya xchukbe te yok-skꞌabe. Jich me ya xjuꞌ ya yelkꞌan bael te stutik yuꞌune.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

Romanos 16:20

Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.

Colosenses 2:15

Kꞌalal cham ta krus te Cristoe, Dios la stsal jilel te tutik ay spoder y ay yaꞌtelike, y akꞌot at ilel ta sitil komon te tutꞌil ochemik ta kꞌabal kꞌalal la yaꞌi tsalaw te Cristoe.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.