San Marcos 3:10 - Nuevo Testamento Tzeltal de Amatenango

¹⁰ Batsꞌi stenten sbaik yuꞌun skꞌan spikik te Jesuse, yuꞌun bayalix te machꞌatik kolemikix ta chamel yuꞌune.

Bible in Tzeltal Bachajón

¹⁰ como tsobol mach'atic la slecubteslan ta chamel, ha yu'un spisil mach'a ayic ta chamel stenten sbahic ta spicbeyel sc'u'.

Bible in Tzeltal de Oxchuc y Tenejapa

¹⁰ Melel stenten nax sbaic ta spiquel sc'u' te Jesuse, yu'un tsobol te mach'atic lamantesbilix xchamelic yu'une.

San Marcos 3:10 ပူးပေါင်းရင်းမြစ်များ

San Mateo 12:15

Kꞌalal la yaꞌibe sluwaril te Jesuse, lok bael teꞌa. Bayal genteetik la stsꞌakliyik bael. Te Jesuse la slekutes spisil chameletik.

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

San Mateo 14:36

La skꞌanbeyik pawor te jipuk nax ya spikbeyik a te stiꞌil te skꞌuꞌ-spakꞌe. Spisil te machꞌatik la spikbeyik te stiꞌil skꞌuꞌ-spakꞌe kolik ta chamel.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Marcos 5:34

Te Jesuse la yalbe: —Kantsil-nichꞌan, te tutꞌil jich la achꞌuun ta awoꞌtane, jich kolatix. Kontento xbaat. Kolatix ta chamel —xchi te Jesuse.

San Marcos 6:56

Bayuk nax a kꞌax te Jesuse, ta chꞌin kolonyaetik, ta jtejklumetik sok ta stenlejiltik, la yakꞌtalanik ta be te chameletike, sok la skꞌanbeyik te Jesuse te yakuk spikbey te xkamix te Jesuse. Te jayeb a stabe ta pikel te xkamixe, kolik jilel ta chamel.

San Marcos 8:22

Patil kꞌoik ta Betsaida. Ay machꞌatik la yikꞌik tal tul chok te ba Jesus. La yalbe wokol te yakuk spikbe ta skꞌab.

San Lucas 5:3

Jicha kꞌo mouk a te Jesuse. Jaꞌ sbarko te Simone. La yalbey yauk yochyochtes ochel te ba jaꞌe. Jich a snajkan sba ta yutil barko te Jesuse. Lijk spꞌijutes te genteetike.

San Lucas 6:19

Spisil te genteetike yoꞌtanuk ya spikik te Jesuse, jich a slekutes ta spoder spisil te jchameletike.

San Lucas 7:2

Ay jtul statal soltaro yuꞌun Roma teꞌa te ay yaj-aꞌtel te ben kꞌux ta yoꞌtane. Ay ta chamel, y ya xchamix.

San Lucas 7:21

Te kꞌalal teꞌ ayik ae la yilik te tutꞌil yipal ta slekutesel bayal genteetik te ayik ta chamele sok te ayik ta wokole. Sok yipal ta slokꞌesel pukuj ta yoꞌtanik te machꞌatik ay pukuj ta yoꞌtanike. Sok ya sjambe sit te bayal choketike.

Hechos 5:15

Y la yikꞌik lokꞌel ta kayailtik te yaj-chamelike. La swayanlanik ta wayibal y ta kꞌabalteꞌ, yuꞌun te kꞌalal ya xkꞌax teꞌa te jPedroe, chaꞌoxtul ya me xtaot yuꞌun te skeawe.

Hebreos 12:6

Porke te Kajwaltike ya stojutes te machꞌa kꞌux ta yoꞌtane, y ya yaꞌbe kastigo te machꞌa jich ya yikꞌ tutꞌil xnichꞌane”, te xchie.