San Marcos 2:20 - Nuevo Testamento Tzeltal de Amatenango

²⁰ Pero ya me sta yorail te ya xꞌikꞌot bael te jnujpunele, jaꞌ to me ya skom sweꞌelik a.

Bible in Tzeltal Bachajón

²⁰ Pero ya me sta yorahil te ya xloq'uesbot te jnuhpunel ta stojolic, ha to me ya xhahch scom swe'elic a.

Bible in Tzeltal de Oxchuc y Tenejapa

²⁰ Ja'uc me to, ya me sta yorail te ya x'ic'ot loq'uel ta yolilic te winic te nujbine. Ja' to me ya xjajch' spasulayic ayuno abi.

San Marcos 2:20 ပူးပေါင်းရင်းမြစ်များ

San Mateo 26:31

Te Jesuse la yaltalanbe yaꞌiyik: —Ta apisilik te jaꞌexe ya me achꞌojikon jilel te ajkꞌubal to. Yuꞌun jich me tsꞌibabil jilel ta Sjun te Diose: “Ya jmil te jkanan-karnerae, yuꞌun jich me ya xpujke bael a te karneraetike”, xchi me.

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

San Marcos 2:19

Te Jesus la sjojkꞌobey: —¿Me ya wan spas skom sweꞌelik te jꞌil-nujpuneletike teme sjoyinej to sba te machꞌa ya xnujpune? Mientras teꞌ to ay a te jnujpunele, ma spas ya skom sweꞌelik.

San Marcos 2:21

“Te pakꞌ te kꞌaꞌixe maꞌyuk machꞌa ya spakꞌan ta achꞌ pakꞌ, porke te achꞌ pakꞌe ya stsꞌuj. Jich ya xchꞌiꞌ xan te kꞌaꞌ pakꞌe, y ya xmukꞌub xan a te xchꞌiꞌemale.

San Lucas 17:22

Y la yalbe te jnopojeletik yuꞌune: —Ya me sta yorail te awoꞌtanikuk ya awilik jun xanix me kꞌaal a te Nichꞌanile, pero makꞌ ya awilikix a.

San Lucas 5:35

Pero ya me sta yorail te ya xꞌikꞌot lokꞌel te machꞌa nujpunixe. Jaꞌto me ya xlijk skomilan sweꞌelik a —xchi.

San Juan 12:8

Te meꞌbaꞌetike sil tiempo ajoyinejik stukel. Pero te joꞌone ma siluk tiempo te joyinejexe —xchi.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:13

“Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Hechos 1:9

Te kꞌalal laj yoꞌtan ta yalel to, yipalik to ta yilel a, te Jesuse mo bael ta chꞌulchan. Pixot bael ta tokal y maꞌ yilbeyikix sit a.

Hechos 14:23

Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.

Hechos 3:21

Ya skꞌan te ya to xꞌanin ta chꞌulchan te Jesucristo jaꞌ to teme la sta yorail yuꞌun Dios te ya xchap ta achꞌ spisil te tutik aye, jich tutꞌil te la yal ta skuenta te chꞌul jꞌalwanejetik te kꞌaxik ta balmilal te nameye.

1 Corintios 7:5

Jaꞌ yuꞌun ma me talel-baeluk te maꞌ ba ya akꞌopon abaike. Jaꞌ nax teme ya achap akꞌopik te makꞌ ata abaik ipal kꞌaal, yuꞌun te ya akꞌoponik Diose. Ta patil ya xjuꞌ ya sujt ata abaik. Yuꞌun ma me teyuk ya sloꞌlayelex yuꞌun a te pukuje te ya yaꞌbelex ale amul yuꞌune.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

2 Corintios 11:27

Sok lubel ta aꞌtel, y bayal buelta maꞌ wayon. Beno kꞌax jwokol ta wiꞌnal y takin-tiꞌil. Bayal buelta la jkom jweꞌel. Kꞌax jwokol yuꞌun sik yuꞌun maꞌyuk lek jkꞌuꞌ-jpakꞌ.

2 Corintios 6:5

sok te aresial, o prexo, o skontrainelotik, o ta tulan aꞌtel, sok ma wayotik, o ma weꞌotik.

Apocalipsis 19:7

Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.