San Marcos 2:17 - Nuevo Testamento Tzeltal de Amatenango

¹⁷ La yaꞌi tsꞌin to te Jesuse, jich la yalbe: —Te machꞌatik lek ayike maꞌyuk nesesidad yuꞌun te jloktore; jaꞌ nax te machꞌatik ayik ta chamele puersa yuꞌun te jloktore. Ma jaꞌuk tal kikꞌ machꞌatik lekike, jaꞌ a tal kikꞌ te jmulawiletike —xchi te Jesuse.

Bible in Tzeltal Bachajón

¹⁷ C'alal hich la ya'iy te Jesús, hich la yalbe: Te mach'atic lec ayic ma xtuhun yu'unic jpoxtaywanej, ha nax te mach'atic ayic ta chamel. Ma ha'uc tal quic' te mach'atic toj yo'tanic, ha tal quic' te mach'atic jmulawiletique, xchi.

Bible in Tzeltal de Oxchuc y Tenejapa

¹⁷ Te c'alal la yaiy stojol te Jesuse, jich caj yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele. Melel ma ja'uc tal quic' te mach'atic tojique, ja' tal quic' te jmulawiletique —xi' te Jesuse.

San Marcos 2:17 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 15:29

Te bankilale la yalbe te state: “Anaꞌoj te ayix bayal jaꞌbil te ya jpasbat awaꞌtele, ni maꞌyuk ba ma jchꞌuun amantal. Pero ni maꞌyuk awakꞌojbon jkojtuk chibo yuꞌun ya jpas kꞌin sok a te joꞌtake.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Juan 9:34

Jich a altalanbot yuꞌunik: —Te jaꞌate nojel ta mulil a ayinat. ¿Me yuꞌun ya akꞌan ya apꞌijutesotik? —xyutik. Y jich a stenik lokꞌel ta sinagoga.

San Juan 9:40

Ay chaꞌoxtul fariseoetik te teꞌeyik sok ae la yaꞌiyik te jich a yale. La sjojkꞌobeyik: —¿Me yuꞌun wan chokotik euk te joꞌotike? —xchiik.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Hechos 26:20

Yuꞌun primero a kalbey te skꞌop Dios te machꞌatik aylan ta Damascoe, sok te nax ta Jerusalen, y sok spisil te estado yuꞌun Judeae, y sok te machꞌatik ma juriyouke. La kaltalanbe te yauk sjilesik te smulike, sok te yauk sujtes yoꞌtanik ta stojol Diose, sok yauk xchiknaj ta yaꞌtelik te sujtemix yoꞌtanike.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.