San Marcos 16:9 - Nuevo Testamento Tzeltal de Amatenango

⁹ Te kꞌalal chaꞌkuxemix tal a te Jesuse, ta ben sab ta primer kꞌaal yuꞌun te semanae, jaꞌ nail la yakꞌ sba ta ilel yuꞌun te xMaria Magdalena te lokꞌesbil jukeb pukujetik ta yoꞌtan yuꞌune.

Bible in Tzeltal Bachajón

⁹ Te c'alal cha'cuxaj Jesús ta sab ta sba c'ahc'alil semana, ha nahil la yac' sba ta ilel yu'un te María Magdalena te loq'uesbot huqueb pucuj ta yo'tan yu'un.

Bible in Tzeltal de Oxchuc y Tenejapa

⁹ Te c'alal cha'cuxix tel Jesús ta sacubel q'uinal ta sbabial c'aal yu'un te semanae, ja' sbabial te la yac' sba ta ilel ta stojol te María Magdalena te loq'uesbil juqueb pucujetic ta yo'tan yu'une.

San Marcos 16:9 ပူးပေါင်းရင်းမြစ်များ

San Mateo 27:56

Teꞌ ayik sok a te xMaria Magdalena, sok te xMaria te smeꞌ Jacobo sok Jose, sok euk te smeꞌ te yuntikil Zebedeoe.

San Marcos 15:40

Ay antsetik te jakal nax ya yilike. Teꞌa ekꞌa te xMaria Magdalenae sok xMaria te smeꞌ te ijtsꞌinal Jacobe sok te Josee, sok xan te Salomee.

San Marcos 15:47

Te xMaria Magdalena sok te xMaria te smeꞌ te Josee la yilik te ba mukul jilele.

San Marcos 16:8

Jaꞌ tsꞌin te antsetike lokꞌik bael te ba mujkeme, anik bael sok xmetlajanik bael ta sik yuꞌun xiꞌel. Maꞌyuk machꞌa yalbeyik ni jtuluk, yuꞌun ayik ta xiꞌel.

San Lucas 24:10

Te antstik te machꞌa ba yalbeyik te apostoletike jaꞌ te xMaria Magdalenae, sok te xJuanae, sok te xMaria te smeꞌ te Jacoboe, y sok te yan xan antstike.

San Lucas 8:2

Sok ay antstik te la slokꞌesbeyix pukuj ta yoꞌtanike sok te la slekutesbeyik xchamelik te sjoyinejik ta beel euk te Jesuse. Jaꞌ te xMaria te xMagdalena sbiile te lokꞌem jukeb pukuj ta yoꞌtane.

San Juan 20:12

y la yil cheb chꞌul angeletik te ben sak te skꞌuꞌ-spakꞌike. Teꞌ najakajtik te ba aꞌbot stiꞌbalul te Jesuse, jtul ta sjol y jtul ta yok.

Hechos 20:7

Te primero kꞌaal yuꞌun te semanae la jtsob bajtik sok te hermanoetik ta sweꞌel waj ta skꞌuenta te Kajwaltike. Te jPabloe lijk spꞌijutes te hermanoetike. La snaꞌ te pajel xanix ya xlokꞌ baele, jaꞌ yuꞌun jalaj ta kꞌop asta la sta olil ajkꞌubal.

1 Corintios 16:2

Ta primero kꞌaal yuꞌun te semanae ta juju-tulex ya me apitik chꞌinuk te jayeb ya ataike, y kꞌejaik me. Yuꞌun te kꞌalal ya xkꞌoone, maꞌyukix ya atsobik a te majtanile.

Apocalipsis 1:10

Y kꞌot ta pasel jun kꞌaal yuꞌun te Kajwaltike la sjapuyon ta spoder te Espiritue, y la kaꞌiy a kꞌopoj tal ta jpat jun tulan kꞌop, jachik tutꞌil ya xꞌokꞌ korneta,