San Marcos 16:16 - Nuevo Testamento Tzeltal de Amatenango

¹⁶ Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

Bible in Tzeltal Bachajón

¹⁶ Te mach'a ya sch'uhun soc te ya yich' ha', ya me xcol; yan te mach'a ma ba ya sch'uhun, ya me x'a'bot stoj smul.

Bible in Tzeltal de Oxchuc y Tenejapa

¹⁶ Te mach'a ya xch'uune soc teme ya yich' ja'e, ya me xcol. Yan te mach'a ma xch'uune, ya me x'ac'ot ta lajel sbajt'el q'uinal.

San Marcos 16:16 ပူးပေါင်းရင်းမြစ်များ

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 8:24

Jaꞌ yuꞌun la kalbeyex te akuchoj amulik ya xchamexe, porke teme ma xꞌachꞌuunik te batsꞌi ayon tutꞌil ya kale, akuchoj amulik ya xchamex —xchi.

San Juan 6:29

Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

San Juan 6:35

Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

Hechos 22:16

Y te ora to, ¿tut xan a te ya amaliye? Jajchan, kꞌana ichꞌjaꞌ. Kopojan ta skuenta te Kajwaltike, yuꞌun jich me ya spokbeyat lokꞌel a te amule”, xyuton te jꞌAnaniase.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

San Lucas 8:12

Te tsꞌunubil te kꞌot ta bee jaꞌ skꞌoplal te machꞌatik ya yaꞌibe sluwar te skꞌop Diose, pero ya xtal te pukuje, ya slokꞌeslambe ta yoꞌtanik. Jich ma xchꞌuunik sok ma xkolik.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Hechos 13:39

Porke ta skuenta te Jesuse pasbilix perdon spisil te machꞌatik ya xchꞌuune. Yan te mantaliletik yuꞌun te jMoisese maꞌyuk perdon yuꞌun stukel.

Romanos 4:24

la stsꞌibabotik jkꞌoplaltik euk. Yuꞌun ta skuenta xchꞌuunel koꞌtantik, Dios ya yilotik jich tutꞌil te toj ayotike, yuꞌun jchꞌuunejtik te Dios la xchaꞌkuses tal te Kajwaltik Jesuse,

2 Tesalonicenses 2:12

Jich me ya xbajtik ta chꞌayel spisil te machꞌatik maꞌ skꞌan xchꞌuunik te tut batsꞌi jiche, sino ke jaꞌ ben sniꞌ xyaꞌiyik te tut ma lekuke.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Romanos 3:6

Maꞌuk. Porke jichuk ma tojuk te Diose, ¿tut kꞌan juꞌuk yuꞌun te ya yichꞌbe jkuenta smulik spisil te gente ta balmilale?