San Marcos 16:1 - Nuevo Testamento Tzeltal de Amatenango

¹ Kꞌalal kꞌaxemix a te skꞌaalel kuxo-oꞌtane, bajtik ta smanel perfume te ben tsaꞌam yikꞌe te xMaria Magdalenae sok te jtul xan xMaria te smeꞌ te Jacobe, sok te Salomee, yuꞌun ya xba yaꞌbeyik te stiꞌbalul te Jesuse.

Bible in Tzeltal Bachajón

¹ C'alal c'axix a te sc'ahc'alel cux-o'tan, te María Magdalena, te María snan Jacobo, soc te Salomé la smanic bintic sumet yic' scuenta yu'un ya xbaht yatintesbeyic sbaq'uetal a te Jesús.

Bible in Tzeltal de Oxchuc y Tenejapa

¹ C'alal c'axemix a te sc'aalelal cux-o'tane, te María Magdalena, soc te yan María te sme' te Jacobo, soc te Salomé, ba smanic perfume yu'un ya xba yac'beyic ta sbaq'uetal te Jesuse.

San Marcos 16:1 ပူးပေါင်းရင်းမြစ်များ

San Marcos 14:3

Ay ta Betania te Jesuse ta sna Simon te sbiilinej te yichꞌoj kꞌaꞌel-chamel. Nakal ta mexa a, kꞌot tul ants yichꞌoj tal limeta te pasbil ta alabastro te nojel ta perfume te nardo sbiile, te ben toyol stojol. La skꞌajbe stiꞌil te limetae sok la smalbe ta sjol Jesus te perfume.

San Marcos 14:8

Jal ants to la spas tutꞌil a juꞌ yuꞌune. La yaꞌbe perfume te jtiꞌbalule skuenta xmujkone.

San Marcos 15:40

Ay antsetik te jakal nax ya yilike. Teꞌa ekꞌa te xMaria Magdalenae sok xMaria te smeꞌ te ijtsꞌinal Jacobe sok te Josee, sok xan te Salomee.

San Marcos 15:42

Jaꞌ skꞌaalel te ya xchap sbaik te Judioetik te tutꞌil pajel xanix te skꞌaalel kuxo-oꞌtan yuꞌunike, sok malix kꞌaal a.

San Marcos 15:47

Te xMaria Magdalena sok te xMaria te smeꞌ te Josee la yilik te ba mukul jilele.

San Marcos 16:2

Ta primer kꞌaal yuꞌun te semanae, sab to a bajtik te ba mujkeme. Ya to nax xlokꞌ tal kꞌaal a.

San Marcos 16:8

Jaꞌ tsꞌin te antsetike lokꞌik bael te ba mujkeme, anik bael sok xmetlajanik bael ta sik yuꞌun xiꞌel. Maꞌyuk machꞌa yalbeyik ni jtuluk, yuꞌun ayik ta xiꞌel.

San Lucas 23:54

Jaꞌ skꞌaalel a te ya xchap sbaik yuꞌun te skꞌaalel kuxo-oꞌtane te ya xlijkixe.

San Lucas 23:56

Kꞌalal laj sujt bael ta nae, la xchapbeyik xpoxil stiꞌbalul te ben tsaꞌam yikꞌe. Te antstike la xkux yoꞌtanik ta skꞌaalel kuxo-oꞌtan jich tut ya yal te mantale.

San Lucas 24:1

Te primero kꞌaal yuꞌun te semanae, te antstike ben sab a laj bajtik te ba chꞌene. Yichꞌojik kꞌael te pox te xchapojike. Sok ay yan antstik te sjoyinejik kꞌale.

San Juan 19:25

Te ba yanil skrus te Jesuse teꞌ tekꞌel a te smeꞌe, sok te yijtsꞌin smeꞌe, sok te xMaria te yinam Cleofase, sok te xMaria Magdalenae.

San Juan 19:31

Te tutꞌil skꞌaalelix a te ya xchap sbaik yuꞌun te kꞌin Pascuae, jich te juriyoetike ma skꞌanik te teꞌ jokꞌol ta krus te stiꞌbalul te winketike ta skꞌaalel te kuxo-oꞌtane, yuꞌun ben tulan skꞌoplal te skꞌaalel kuxo-oꞌtan to. Jaꞌ yuꞌun la skꞌambeyik te jPilato te yauk yal mantal ta kꞌajtalanel te yokike sok te yauk xkoesbot ta ora te stiꞌbalulike.