San Marcos 14:6 - Nuevo Testamento Tzeltal de Amatenango

⁶ Pero la yal te Jesuse: —Ijkitayaikix. ¿Tuꞌun ya awutike? Batsꞌi ben lek te tut la spasbone.

Bible in Tzeltal Bachajón

⁶ Pero la yal te Jesús: Teyuc a. ¿Bistuc yac awuts'inic te antse? Buen lec te bin la spasbone.

Bible in Tzeltal de Oxchuc y Tenejapa

⁶ La yal te Jesuse: —Ijq'uitayaiquix te c'ope. ¿Bistuc ya awuts'inic? Melel lequil at'elil te bila la spasbone.

San Marcos 14:6 ပူးပေါင်းရင်းမြစ်များ

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

2 Timoteo 2:21

Jich yuꞌun teme ay machꞌa ya sakutes sba skuenta yuꞌun ya xtuun yuꞌun te Kajwaltike, ya skꞌan te ya sakutes sba yuꞌun spisil te tut ma tsaꞌamuke. Jich me chapal ya xkꞌot yuꞌun spasel te lekil aꞌtelile.

Efesios 2:10

Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

San Mateo 26:10

La yaꞌi te Jesuse, jicha yaltalanbe: —¿Tuꞌun ya awalbeyik kꞌop te ants to? Ben tsaꞌam te tuti spasbone.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

2 Timoteo 3:17

Yuꞌun jich te swinik Diose lek pꞌijuben y tsꞌakal chapal yuꞌun ta spasel spisil ta jkaj te tut leke.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

2 Tesalonicenses 2:17

ya me yaꞌbeyex sbujts awoꞌtanik sok spuersa awoꞌtanik. Jich me lek ya xkꞌot spisil te tut ya awalike sok te ya apasike.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

2 Corintios 9:8

Te Diose ya xjuꞌ yuꞌun ya yaꞌbeyex bayal ta jkaj te bendisionetike, yuꞌun jich me ay awuꞌunik sil tiempo spisil te tut ya akꞌanike. Jich me ay sobra awuꞌunik a te ya xtuun awuꞌunik ta spasel bayal ta jkaj te lekil aꞌtele.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

San Marcos 14:5

Jaꞌ lek te lajuk yichꞌ chonel bael ta tresientos denarios, yuꞌun jich ya yichꞌ koltayel meꞌbaetik a te jichuke —xchiik. Ben bayal la yaꞌbiyanik te antse.

San Marcos 14:7

Te meꞌbaetike sil tiempo ay ta awolilik. Ya xjuꞌ ta kꞌuxutayel awuꞌunik ta sil tiempo. Yan te joꞌone ma siluk tiempo te ya joyinexe.