San Marcos 14:1 - Nuevo Testamento Tzeltal de Amatenango

¹ Cheb xanix kꞌaal ya skꞌan xlijk a te kꞌin Pascua sok te ya sweꞌik te waj te maꞌyuk levadura yichꞌoje. Te statal-saserdoteetike sok te maestroetik yuꞌun te mantaliletike yipalik ta snopel tutꞌil ya stsakik te Jesuse yuꞌun ya smilik ta ora nax.

Bible in Tzeltal Bachajón

¹ Cheb xanix c'ahc'al ma sta yorahil Q'uin Pascua a soc te Q'uin yu'un Pan te ma ba yich'oj levadura, te principal sacerdotehetic soc te escribanohetic la sle bin ut'il muquen ya stsaquic soc ya smilic te Jesús.

Bible in Tzeltal de Oxchuc y Tenejapa

¹ Cheb xanix c'aal sc'an xjajch' te q'uin Pascuae soc te ya swe'ic te waj te ma'yuc levadura yich'oje. Te jwolwanej-sacerdoteetic soc te jts'ibojometic, yacalic ta snopel te bi ya yut ya stsaquic ta muquen te Jesuse, swenta yu'un ya smilic.

San Marcos 14:1 ပူးပေါင်းရင်းမြစ်များ

San Mateo 12:14

Jich te fariseoetike lokꞌik bael, ba snopik te tut ya yut ya smilik te Jesuse.

San Mateo 6:2

“Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

San Marcos 14:12

Jaꞌ te primero kꞌaal yuꞌun te kꞌine te ya sweꞌik te waj te maꞌyuk lebadura yichꞌoje, sok te tut ora ya yichꞌ milel te alal-karnera te skuenta kꞌin Pascua, te jnopojeletike la sjojkꞌobeyik te Jesuse: —¿Ba ya skꞌan awoꞌtan te ya xba jchaptik te weꞌelil skuenta kꞌin Pascua te ya aweꞌe? —xchiik.

San Marcos 14:2

Sok ay la yalik: —Ma me ta yorailuk kꞌin ya jtsaktik, yuꞌun jich makꞌ xlijkik ta kꞌop te genteetike —xchiik.

San Juan 11:47

Jich te fariseoetike sok te stataletik yuꞌun te saserdoteetike la stsob sbaik sok te machꞌa ay yaꞌtele. La yalik: —¿Tut ya skꞌan jpastik yuꞌun? Te winik to yipal ta spasel bayal señaetik smilagro.

San Juan 13:1

Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

Hechos 12:4

Ta patil te tsajkemix ae, te jHerodese la yotses ta prexo te jPedroe. La yakꞌ ta kanantayel yuꞌun chantijk soltaroetik te chanchan tul staoj sbaik te juju-tijkꞌe. Yuꞌun snopoj te jHerodese te ya stejkꞌan ta sitil komon ta patil teme laj te kꞌin Pascuae.