San Marcos 13:9 - Nuevo Testamento Tzeltal de Amatenango

⁹ “Ila me abaik te jaꞌexe. Ya me yakꞌelex ta skꞌab te juꞌeletike, y ya me awichꞌik majel ta chꞌulnaetik. Ya me stejkꞌanelex ta sit juꞌeletik sok ta sit gobierno ta skaj te achꞌuunejikone. Jich me kaj-testigoex ya xkꞌoex kuꞌun ta yolilik.

Bible in Tzeltal Bachajón

⁹ Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

Bible in Tzeltal de Oxchuc y Tenejapa

⁹ “Te ja'exe tsajtaya me abaic. Melel ya me x'ac'otex ta sc'ab te muc'ul tsobleje, soc ya me awich'ic majel ta bay te sinagogaetique. Ya me awich'ic tejc'anel ta stojol ajwaliletic soc ta bay muc' ajwaliletic ta scaj te ach'uunejonique. Jich me testigo ya xc'oex cu'un ta stojolic.

San Marcos 13:9 ပူးပေါင်းရင်းမြစ်များ

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Marcos 1:44

—Awaꞌi, ma me machꞌa xꞌawalbe. Jaꞌ nax baan, akꞌa aba ta ilel ta sit te saserdotee. Sok ichꞌbeya bael smajtan Dios yuꞌun te lekubatixe, jich tutꞌil la yal mantal te Moisese. Jich me ya snaꞌik te genteetik te lekubenix te achamele —xꞌutot.

San Marcos 13:5

La yal te Jesuse: —Ila me abaik, ma me machꞌa ya sloꞌlayex.

San Marcos 13:8

Porke jun nasion ya me skontrain yan nasion, sok te gobiernoetik ya me spasik guerra. Ya me xtal jikichab ta bayuk nax luwar, y ya me xtal bayal wiꞌnal. Jaꞌ me slijkibal to nax te wokol ya xtale.

San Marcos 6:11

Teme ay jtejklum te ma skꞌan yikꞌexe sok ma skꞌan yaꞌiyik te tut ya awalike, lokꞌanik bael tsꞌin teꞌa. Sok tijtina jilel te stanil awoke. Jaꞌ seña ya yilik te ay ta skuentaik te ma skꞌan xchꞌuunike —xchi te Jesuse.

San Lucas 9:5

Teme ay jtejklum te ma xyikꞌexe, tijtina jilel te stanil awoke, y lokꞌanik tal teꞌa. Jaꞌ seña ta stojolik te ay ta skuentaik te ma skꞌan xchꞌuunike —xchi te Jesuse.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

Hechos 21:11

Kꞌot te ba ayotike. La yichꞌbe te sinturon jPabloe, la xchuk yokꞌ skꞌab a, y la yal: —Te Chꞌul Espiritue ya yal: “Te yajwal sinturon to jich ya xkꞌo chukek yuꞌun te juriyoetik te ba Jerusalene. Sok ya xꞌakꞌot entregal ta skꞌab jyanlumetik”, xchi me —xchi te jꞌAgaboe.

Hechos 7:54

Kꞌalal la yaꞌiyik te tuti yal te jꞌEstebane, lijk slaꞌ-yoꞌtanik yuꞌun, y la xkꞌuxuxan yeik ta skontrainel te jꞌEstebane.

Hechos 9:16

Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

Filipenses 1:29

Ma jaꞌuk nax a yaꞌbelex te ya achꞌuunik te Cristoe, sino ke jich yaꞌbelex ekꞌa te ya xkꞌax awokolik ta skuenta.

2 Tesalonicenses 1:5

Jaꞌ to jaꞌ ya yakꞌ ta naꞌel a te toj ya xchapawan te Diose, yuꞌun te jaꞌexe ay awochelik a te ya xꞌochex te ba ay ta ajwalinele. Jaꞌ sluwar te ay awokolike.

2 Juan 1:8

Ila me abaik te jaꞌexe yuꞌun ma me jowiluk ya xchꞌay te awꞌatelike, sino ke jaꞌ te tsꞌakal ya awichꞌik te amajtanike.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.