San Marcos 13:32 - Nuevo Testamento Tzeltal de Amatenango

³² “Pero ni jtuluk machꞌa ya sna te tut ora sok tut kꞌaalil ya xkꞌot ta pasel. Ni ma snaꞌ euk te chꞌul angeletike, sok ma snaꞌ te Nichꞌanile. Jaꞌ nax ya snaꞌ stukel te jTatik Diose.

Bible in Tzeltal Bachajón

³² Pero mayuc mach'a ya sna' bin c'ahc'alil soc bin ora ya xc'oht ta pasel, ni ha'uc te ch'ul a'batetic ta ch'ulchan, o te Nich'anil, ha nax stuquel te Tatile.

Bible in Tzeltal de Oxchuc y Tenejapa

³² “Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetique, soc ma sna' uuc te Nich'anile. Ja' nax ya sna' stuquel te Jtatic Diose.

San Marcos 13:32 ပူးပေါင်းရင်းမြစ်များ

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

San Mateo 25:19

“Bayalix yuil a ta patil sujt tal te yajwalike. Lijk jojkꞌolanbek te jayeb a jolin yuꞌun te takꞌine.

San Mateo 25:6

Nopolix ol-ajkꞌubal a la yaꞌiyik tulan kꞌop: “Talix te jnujpunele. Laꞌ me taꞌaik bael”, xchi te kꞌope.

San Marcos 13:31

Ya me xlaj te chꞌulchan sok balmilal. Yan te jkꞌope, maꞌyuk bay ya xlaj skꞌoplal stukel.

Hechos 1:7

Te Jesuse la sjakꞌtalanbe: —Te jaꞌexe maꞌyuk ta akuentaik te tut ora sok te tut kꞌaalile. Jaꞌ ay ta skuenta stukel te Tatile te tut ya yakꞌ ta pasele.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 3:3

Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.