San Marcos 12:7 - Nuevo Testamento Tzeltal de Amatenango

⁷ Pero te aꞌteletike la yalbe sbaik: “Jaꞌ i to, jaꞌ te machꞌa ya xjil ta skuenta te lume. Jaꞌ lek ya jmiltik, yuꞌun joꞌotik me ya kichꞌbeytik jilel te slume”, xchiik.

Bible in Tzeltal Bachajón

⁷ Pero te j'a'teletic hich la yalbe sbahic: Ha'ix te mach'a ya yich' hilel te q'uinale; la'ic, ya jmiltic, hich ya quich'tic te q'uinale, xchihic.

Bible in Tzeltal de Oxchuc y Tenejapa

⁷ Te j'at'eletique la yalbey sbaic: “Ja' in to ja' te mach'a ya xjil ta swenta te q'uinale. La'ic, ya jmiltic, yu'un jo'otic me ya xjil ta jwentatic te q'uinale”, xiic.

San Marcos 12:7 ပူးပေါင်းရင်းမြစ်များ

San Mateo 2:16

Kꞌalal la snaꞌ te Herodese te loꞌlayot yuꞌun te pꞌijil winketike, ma jtebuk a ilin yuꞌun. La yal mantal te ya xba milek spisil te chꞌin kermetike te chebcheb jabil yaꞌbilalike sok te ma to xlokꞌ cheb jaꞌbil yaꞌbilalike te ayik ta Belen sok ta sjoylejal. Jaꞌ a snaꞌik te tut ora albot yuꞌun te pꞌijil winketike.

San Mateo 21:34

“Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

San Marcos 12:12

Jich kꞌan stsakik te Jesuse, yuꞌun kꞌot ta yoꞌtanik te jaꞌ skꞌoplalik te seña kꞌop la yale. Pero la xiꞌik te genteetike. Jaꞌ yuꞌun la sjilesik y bajtik.

San Marcos 12:6

“Pero ay to jilem tul xan abat yuꞌun, jaꞌ te batsꞌi xnichꞌane te toj kꞌux ta yoꞌtane. Jaꞌ slajibalix a la stikon bael. Yuꞌun la yal ta yoꞌtan: “Te jnichꞌane ya me yakꞌikix ta kuenta a”, xchi ta yoꞌtan.

San Marcos 12:8

Jaꞌ yuꞌun la stsakik, la smilik y la xchꞌojik lokꞌel ta spat tsꞌusubiltik te stibalule.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.