San Marcos 12:5 - Nuevo Testamento Tzeltal de Amatenango

⁵ Te yajwal tsꞌusubiltike la stikon xan bael yan abat, pero lek a smilik. Y ta patil la stikon xan bael bayal abatetik. Ay tul cheb la yichꞌ majel y ay la yichꞌ milel.

Bible in Tzeltal Bachajón

⁵ La scha'ticon xan yan a'bat, la smilic stuquel. Ay tsobol yantic te ticombilic yu'un; ay la smajic soc ay la smilic.

Bible in Tzeltal de Oxchuc y Tenejapa

⁵ Te yajwal ts'usubiltique, la sticun xan bael yan abat, ja'uc me to, laj ta milel yu'unic. Soc bayal xan yan abatetic la sticun bael. Ay la smajic, soc ay la smilic.

San Marcos 12:5 ပူးပေါင်းရင်းမြစ်များ

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

San Mateo 23:37

“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

San Marcos 12:4

Jaꞌ yuꞌun te yajwal tsꞌusubiltike la stikon bael yan yaj-mantal, pero te aꞌteletike la yechꞌentesbeyik sjol. Ma yakꞌik ta kuenta chꞌinuk.

San Marcos 12:6

“Pero ay to jilem tul xan abat yuꞌun, jaꞌ te batsꞌi xnichꞌane te toj kꞌux ta yoꞌtane. Jaꞌ slajibalix a la stikon bael. Yuꞌun la yal ta yoꞌtan: “Te jnichꞌane ya me yakꞌikix ta kuenta a”, xchi ta yoꞌtan.

San Marcos 9:13

Pero ya kalbeyex, xtalukix te Eliase, y la spasbeyik te tut a te la skꞌan yoꞌtanike, jich te tutꞌil tsꞌibabil jilel skꞌoplal ta Sjun Dios —xchi te Jesuse.

San Lucas 6:36

Jich yuꞌun te jaꞌexe kꞌuxutaywananik me euk, jich tutꞌil ya xkꞌuxutaywan te Atatike.