San Marcos 12:12 - Nuevo Testamento Tzeltal de Amatenango

¹² Jich kꞌan stsakik te Jesuse, yuꞌun kꞌot ta yoꞌtanik te jaꞌ skꞌoplalik te seña kꞌop la yale. Pero la xiꞌik te genteetike. Jaꞌ yuꞌun la sjilesik y bajtik.

Bible in Tzeltal Bachajón

¹² Ya c'an stsaquic te Jesús como la sna'ic te ha sc'oblalic te halbot ya'iyic te sloc'ombahil c'ope; pero la xi'ic te pueblo, hich la yihquitayic hilel, bahtic.

Bible in Tzeltal de Oxchuc y Tenejapa

¹² Jich c'an stsaquic, yu'un c'ot ta yo'tanic te ja' sc'oplalic te seña-c'op la yale. Ja'uc me to, la xi'ic te ants-winiquetique. Jich la yijq'uitayic jilel, bajt'ic.

San Marcos 12:12 ပူးပေါင်းရင်းမြစ်များ

San Mateo 21:26

Sok ma spas ya kaltik te winketik a tikonot tal yuꞌune, yuꞌun ya xiꞌtik te jtejklume, yuꞌun ya xchꞌuunik te jaꞌ jꞌalwanej yuꞌun Dios te Juane —xchiik ta yaꞌabiyanel.

San Mateo 22:22

Te kꞌalal la yaꞌiyike, lom cham a yaꞌiyik yuꞌun. La sjilesik y laj bajtik.

San Marcos 11:18

Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

San Marcos 11:32

¿Y tut ya xba kaltik te jaꞌ winketik a tikonot tal yuꞌunik? —xchiik ta snopel. Ayik ta xiꞌel yuꞌun te genteetike, yuꞌun spisil xchꞌuunejik ta jaꞌ jꞌalwanej yuꞌun Dios te Juane.

San Lucas 20:19

Te statal saserdoteetike sok te maestroetik yuꞌun te mantaliletike ora nax kꞌan stsakik te Jesuse, yuꞌun la snaꞌik te jaꞌ skꞌoplalik te seña-kꞌop te la yal te Jesuse. Pero ya xiꞌik yuꞌun te genteetike.

San Lucas 20:6

Y ma spas ya kalbetik teme jaꞌ winketik a stikon tale, porke te genteetike ya me smilotik ta chꞌojel ta ton, yuꞌun spisilik jich xchꞌuunejik te jaꞌ jꞌalwanej yuꞌun Dios te Juane —xchiik ta yaꞌbiyanel.

San Juan 7:25

Ay jtul cheb te machꞌatik ayik ta Jerusalene lijk sjojkꞌobe sbaik: —¿Me ma wan jaꞌuk te winik to te ya xleot ta milele?

San Juan 7:30

Jich yoꞌtanikuk kꞌan stsakik ta ora, pero maꞌyuk machꞌa yal skꞌab, yuꞌun ma to xkꞌot yorail a.

San Juan 7:44

Ay machꞌatik a kꞌan xchukik bael te Jesuse, pero maꞌyuk machꞌa juꞌ yuꞌun.