San Marcos 11:23 - Nuevo Testamento Tzeltal de Amatenango

²³ Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

Bible in Tzeltal Bachajón

²³ Jamal ya calbeyex, mach'ayuc a te ya yalbe ha'i wits ini: Loc'an, ch'oja ochel aba ta mar, teme xchihe, teme ma xchebetuc yo'tan, teme sch'uhunej te hich ya xc'oht ta pasel te bin la yale, hich me ya xc'oht ta pasel.

Bible in Tzeltal de Oxchuc y Tenejapa

²³ Jamal ya calbeyex, teme ya awalbey in wits to: “Loc'an bael li'to. Ch'oja aba ochel ta mar”, teme ya awute, jich me ya xc'ot ta pasel teme ma xawal ta awo'tan te ma jichuc ya xc'ote soc teme jich xch'uunej awo'tan ta melele.

San Marcos 11:23 ပူးပေါင်းရင်းမြစ်များ

San Mateo 14:13

Te kꞌalal la yaꞌiybe sluwar te Jesuse te tuti kꞌotix ta pasele, och ta barko. Stukel nax a bajt ta jun luwar te jochole. Te genteetike, kꞌalal la snaꞌbeyik sluwaril, lokꞌik tal ta spꞌejel te jtejklumetike, sok beenik bael ta yokik te ba bajt te Jesuse.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Mateo 21:21

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.