San Marcos 11:18 - Nuevo Testamento Tzeltal de Amatenango

¹⁸ Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

Bible in Tzeltal Bachajón

¹⁸ Te escribanohetic soc te principal sacerdotehetic la ya'iyic, soc hahch slehic bin ya yut ya smilic. Pero xi'ojic, como spisil te pueblo lec la ya'iyic te p'ijubtesel yu'une.

Bible in Tzeltal de Oxchuc y Tenejapa

¹⁸ Te wolwanej-sacerdoteetique soc te jts'ibojometique la yaiyic stojol te bila la yale. Jich caj sleic te bi ya yut ya smilique, melel la xi'ic te Jesuse scaj te spisil lum jchajp nax la yaiyic te p'ijubtesel yu'une.

San Marcos 11:18 ပူးပေါင်းရင်းမြစ်များ

San Mateo 21:15

Te statal-saserdoteetike sok te maestroetik yuꞌun te mantaliletike la yilik te milagroetik te ya spas te Jesuse. Sok ilinik kꞌalal la yaꞌiyik te xꞌawlajan ta templo te chꞌin untike. Jich a yalik ta stojol te Jesuse: “¡Bayal slekilal te stsꞌumbal jDavide!” xchiik.

San Mateo 7:28

“Te kꞌalal laj yoꞌtan ta kꞌop te Jesuse, te genteetike bayal aꞌabiyan yoꞌtanik yuꞌun te tut la yakꞌ ta nopele.

San Marcos 1:22

Te genteetik kꞌal ta yoꞌtanik yuꞌun te tut la yal ta pꞌijuteswaneje. Batsꞌi jich la yaꞌiy pꞌijuteswanej ta skuentaik te tutꞌil machꞌa yichꞌoj tulan yaꞌtel, y ma jichuk tutꞌil te maestroetik yuꞌun te mantaliletike.

San Marcos 11:32

¿Y tut ya xba kaltik te jaꞌ winketik a tikonot tal yuꞌunik? —xchiik ta snopel. Ayik ta xiꞌel yuꞌun te genteetike, yuꞌun spisil xchꞌuunejik ta jaꞌ jꞌalwanej yuꞌun Dios te Juane.

San Marcos 12:12

Jich kꞌan stsakik te Jesuse, yuꞌun kꞌot ta yoꞌtanik te jaꞌ skꞌoplalik te seña kꞌop la yale. Pero la xiꞌik te genteetike. Jaꞌ yuꞌun la sjilesik y bajtik.

San Marcos 3:6

Jich a lokꞌik bael te fariseoetike, baj snopik sok te sjoꞌtak Herodese te tut ya yut ya smilik te Jesuse.

San Marcos 6:20

Yuꞌun te Herodese la xiꞌ te Juane. La snaꞌ te toj ta winikil sok te maꞌyuk smul. Yo la yakꞌ ta kanantayel tsꞌin. Te Herodese la skꞌupin te ya yaꞌi te tutik ya yal te Juane, pero ay bayal tut ma kꞌot ta yoꞌtan.

San Lucas 19:47

Jujun kꞌaal te Jesuse nojpeswan ta templo. Te statal saserdoteetike sok te maestroetik yuꞌun te mantaliletike sok euk te stataletik yuꞌun te jtejklume yipalik ta sleel tutꞌil ya smilik te Jesuse.

San Lucas 2:47

Spisil te machꞌatik la yaꞌibeyik sluwar skꞌop te Jesuse, lom cham a yaꞌiyik, yuꞌun beno spꞌijil ta sjakꞌel te aꞌabiyeje.

San Lucas 20:19

Te statal saserdoteetike sok te maestroetik yuꞌun te mantaliletike ora nax kꞌan stsakik te Jesuse, yuꞌun la snaꞌik te jaꞌ skꞌoplalik te seña-kꞌop te la yal te Jesuse. Pero ya xiꞌik yuꞌun te genteetike.

San Lucas 4:22

Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

San Juan 7:46

Te polisiaetik la sjakꞌik: —Maꞌyuk machꞌa jich ya xkꞌopoj te tutꞌil ya xkꞌopoj jaꞌi winik to —xchiik.

Hechos 24:25

Pero kꞌalal la yaꞌbiyanbe te jPablo tutꞌil ya skꞌan te toj ya xkuxuyinotik ta balmilale, sok te tutꞌil ya skꞌan ya jnaꞌtik skomel juju-tulotik te jtiꞌbalultike, sok te tutꞌil ya yilbotik kaꞌteltik ta patil te Diose, te Felixe la yakꞌ yajtal yoꞌtan yuꞌun. Jaꞌ yuꞌun la yalbe: —Lek ay, baanix. Ya jtikonat xan ta ikꞌel te kꞌalal ay tiempo kuꞌune —xchi.