San Marcos 10:47 - Nuevo Testamento Tzeltal de Amatenango

⁴⁷ La yaꞌi te jaꞌ Jesus Nazaret te yipal ta kꞌaxel teꞌae. Lijk yawutay: —¡Jesus, te stsꞌumbal Davide, kꞌuxtayaon! —xchi ta aw.

Bible in Tzeltal Bachajón

⁴⁷ C'alal la ya'iy te ha te Jesús talem ta Nazaret, hahch ta aw: ¡Jesús, Snich'anat David, c'uxultayawon! xchi.

Bible in Tzeltal de Oxchuc y Tenejapa

⁴⁷ La yaiy stojol te ja' Jesús te Nazarete te yac ta c'axele. Jich jajch' yawtay: —¡Jesús, te sts'umbalat Davide, c'uxtayawon! —xi' ta aw.

San Marcos 10:47 ပူးပေါင်းရင်းမြစ်များ

San Mateo 1:1

Jaꞌ to jaꞌ slistaul te machꞌatik nail tal yuꞌun te Jesucristoe te stsꞌumbal te jDavide, te jaꞌ stsꞌumbal te jꞌAbrahame.

San Mateo 12:23

Spisil te genteetike cham a yaꞌiyik. Jich a lijk yalik: —¿Me jaꞌ wan te stsꞌumbal jDavid te ya jmalitike? —xchiik.

San Mateo 15:22

Ay jtul cananea-ants teꞌey sna a, tulan a kꞌopoj ta skꞌanel pawor: —Kajwal, stsꞌumbalat jDavid, kꞌuxtayaon sok te kachꞌixe, yuꞌun ay pukuj ta yoꞌtan. Ben xꞌilbajinot yuꞌun —xchi.

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

San Mateo 20:30

Ay cheb choketik nakajtik ta tiꞌbe. Kꞌalal la yaꞌiybeyik sluwar te yipal kꞌael ta kꞌaxel teꞌa te Jesuse, lijk yawutayik: —¡Kajwal, te stsꞌumbalat jDavide, kꞌuxtayaotik! —xchiik.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Mateo 21:9

Te machꞌatik nailajemik baele sok te machꞌatik patilajemike la yawutayik: —¡Bayal slekilal! ¡Ben tsaꞌam slekil te machꞌa talem ta skuenta te Kajwaletike! ¡Bayal slekilal te chꞌul Dios te ay ta chꞌulchane! —xchiik ta yawutayel.

San Mateo 26:71

Te jPedroe lokꞌ bael ta tiꞌpuerta, teꞌ ilot xan yuꞌun jtul kriarail a, y la yalbe te yanetike: —Te winik to jaꞌ sjoy euk te Jesus te talem ta jtejklum Nazarete —xchi.

San Mateo 9:27

Te kꞌalal lokꞌ bael teꞌa te Jesuse, ay cheb choketik te la stsꞌakliyik bael. Lijk yawutayik: —Kꞌuxutayaotik, jaꞌat te stsꞌumbalat te jDavide —xchiik.

San Marcos 1:24

—Jesus Nazaret, ¿tuꞌun te tal awochintayotike? ¿Yuꞌun wan tal amilotik? Ya jnaꞌbeyat aba, jaꞌat te Chꞌul Nichꞌanat te Diose —la yut.

San Lucas 4:16

Te Jesuse bajt ta jtejklum Nazaret te ba chꞌie. Ta skꞌaalel kuxo-oꞌtan bajt ta sinagoga jich te tutꞌil kꞌayem ta spasele, y la stejkꞌan sba ta yilel te Sjun Diose.

San Juan 1:46

La yal te jNatanaele: —¿Me yuꞌun ay tut lek ya xlokꞌ te ba Nazarete? —xchi. Te Felipe la sjakꞌbe: —Laꞌ koꞌn kiltik awil —xyut.

San Juan 19:19

Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

San Juan 7:41

Te yanetik la yalik: —Jaꞌix te Cristo to —xchiik. Pero te yane la yalik: —Ma jaꞌuk. Porke te Cristoe ma ta slumuk Galilea ya xtal.

San Juan 7:52

Te fariseoetike la sjakꞌik: —Jich euk te jaꞌate, ¿me yuꞌun Galileoat? Nopa ta lek te Sjun Diose; teꞌ me ya awil a te ni jtul jꞌalwanej ya xtal ta Galileae —xyutik.

Hechos 6:14

Sok la kaꞌitik te tut ya yale te jaꞌ ya xba sjim te templo te Jesus te talem ta Nazarete. Y ya xba sjeltay te kostumbreetik te la yaꞌbotik jilel te jMoisese —xchiik.

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.