San Marcos 10:1 - Nuevo Testamento Tzeltal de Amatenango

¹ Te Jesuse lokꞌ bael te ta Capernaume y bajt ta estado yuꞌun Judea sok ta lum te ba ya xlokꞌ tal kꞌajkꞌal ta jechjaꞌ Jordan. Te stsob sba xan tal a te genteetike. Te Jesuse lijk nojpeswanuk xan jachik tutꞌil ya spasulan ae.

Bible in Tzeltal Bachajón

¹ Loc' bahel tey a te Jesús, baht ta sq'uinal Judea soc ta jehch Jordán. Yan buelta la stsob tal sbahic tsobol ants-winiquetic ta stojol, hich te Jesús hahch sp'ijubteslan hich te bin ut'il c'ahyem ta spasel.

Bible in Tzeltal de Oxchuc y Tenejapa

¹ Te Jesús la yijq'uitay jilel te lum Capernaúm. Bajt' ta sq'uinal Judea soc ta bay te q'uinal te ay ta stojol sloq'uib c'aal ta jejch' muc'ul ja' Jordán. Yan buelta la stsob sbaic tel te lume. Jich jajch' sp'ijubtes jich bit'il te c'aem ta spasele.

San Marcos 10:1 ပူးပေါင်းရင်းမြစ်များ

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Marcos 1:21

Kꞌotik ta jtejklum Capernaum. Ta skꞌaalel kuxo-oꞌtan te Jesuse och bael ta sinagoga, sok lijk ta pꞌijuteswane.

San Marcos 10:2

Ay fariseoetik tijilajik tal ta stojol te Jesuse, yuꞌun ya yilbeyik yoꞌtan. La sjojkꞌobeyik: —¿Te winikulile me spas te ya xchꞌoj sba sok te yiname? —xchiik.

San Marcos 12:35

Te kꞌalal yipal ta pꞌijuteswanej ta templo te Jesuse, jich a yal to: —¿Tuꞌun te ya yalik te maestroetik yuꞌun te mantaliletik te jaꞌ stsꞌumbal David te Cristoe?

San Marcos 14:49

Jujun kꞌaal la jnojpesex ta templo y ma la atsakonik teꞌa. Jaꞌ jich ya xkꞌot ta pasel te tutꞌil tsꞌibabil jilel ta Sjun te Diose —xchi te Jesuse.

San Marcos 2:13

Te genteetike tijilaj tal te ba aye. Te Jesuse la spꞌijuteslan xan.

San Marcos 4:2

Yo lijk ta nopeswane bayal tutik ta seña-kꞌop. Jich a yal ta nojpeswane:

San Marcos 6:2

Kꞌalal kꞌot skꞌaalel te kuxo-oꞌtane, lijk ta pꞌijuteswane te ba sinagogae. Bayal te machꞌa la yaꞌibe te skꞌope y cham a yaꞌiyik yuꞌun. La sjokꞌobe sbaik: —¿Ba snop tal spꞌejel tutik i winik to? —xchiik. ¿Ba sta tal te spꞌijile? ¿Sok ba sta spoder yuꞌun spasel milagroetik to?

San Marcos 6:34

Kꞌalal koik tal ta barko te Jesuse la yil te ayix bayal te genteetik teꞌa. La xpich yoꞌtanin ta spꞌejelik, yuꞌun jachik tutꞌil te karneraetik te maꞌyuk machꞌa xkanantayot yuꞌune. Y lijk ta spꞌijuteslanel. Bayal tutik a yaꞌbe snop jilel.

San Marcos 6:6

Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

San Juan 10:40

Te Jesuse sujt bael ta Jordan ta stojil ba xlokꞌ tal kꞌajkꞌale. Teꞌ jalaj a te ba luwar ba la yakꞌ ichꞌjaꞌ te nail to te Juane.

San Juan 11:7

Patil la yalbe te jnopojeletik yuꞌun: —Konik xan ta Judea —xchi.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.