San Marcos 1:5 - Nuevo Testamento Tzeltal de Amatenango

⁵ Te genteetik talik ta spꞌejel estado yuꞌun Judea sok ta jtejklum Jerusalen, tal yaꞌiyik tut ya yal te Juane. La me yalik ta jamal te smulike, jich aꞌbot yichꞌik jaꞌ ta ukꞌum Jordan yuꞌun te Juane.

Bible in Tzeltal Bachajón

⁵ Spisil mach'atic ayic ta sq'uinal Judea soc spisil mach'atic ayic ta Jerusalén loq'uic tal ta stojol Juan, la yalic ta jamal te smulic soc a'bot yich'ic ha' yu'un ta muc'ul-ha' Jordán.

Bible in Tzeltal de Oxchuc y Tenejapa

⁵ Te ants-winiquetique talic ta spamal sq'uinal Judea soc ta bay muc'ul lum Jerusalén. Tal yaiybeyic stojol sc'op te Juane. Te c'alal la yalic ta jamal te smulique, jich ac'bot yich'ic ja' ta muc'ja' Jordán yu'un.

San Marcos 1:5 ပူးပေါင်းရင်းမြစ်များ

San Mateo 4:25

Bayal genteetik la stsꞌakliyik ta beel. Ay Galileaetik, sok ay machꞌatik talemik ta jtejklum Decapolis, sok ta mukꞌul jtejklum Jerusalen, sok ta estado yuꞌun Judea, sok ta jejch ukꞌum Jordan ta stojil slokꞌib kꞌajkꞌal.

San Marcos 1:4

Jaꞌ tsꞌin te Juane tal yakꞌtalanbey yichꞌik jaꞌ ta tꞌatꞌan luwar te genteetike. Sok jich a yalbe te ya me sujtes yoꞌtanik yuꞌun te smulike sok ya me yakꞌ sbaik ta ichꞌjaꞌ, yuꞌun me jich ya spasbot perdon yuꞌun te smulike.

San Marcos 1:6

Te skꞌuꞌ-spakꞌ te Juane pasbil ta stsotsil kameyo y xchukꞌoj xchꞌujt ta nujkul. Jaꞌ a sweꞌelin te kꞌulube sok chab yuꞌun wits.

San Juan 1:28

Spisil to jicha kꞌot ta pasel te ba luwar Betania sbiile te ay ta stojil te ba xlokꞌ tal kꞌajkꞌale ta jejch jaꞌ Jordan te ba yipal ta yakꞌel ichꞌjaꞌ te Juane.

San Juan 3:23

Jich euk te Juane yipal ta yakꞌel ichꞌjaꞌ te ba Enon nopol ay sok Salim, yuꞌun beno jaꞌ teꞌa. Te gentee laj tal, y la yakꞌtalanbe yichꞌjaꞌ.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

Hechos 19:18

Bayal te machꞌatik xchꞌuunejikix te Jesuse tal yalik ta jamal spisil te tut ma tsaꞌamuk a spasik te nail toe.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.