San Marcos 1:40 - Nuevo Testamento Tzeltal de Amatenango

⁴⁰ Tijilaj tal ta xukꞌ Jesus jtul winik yichꞌoj kꞌaꞌel-chamel. La skejan sba ta sit y la yalbe: —Te yakuk ya akꞌane, lokꞌesbon te chamele —xchi.

Bible in Tzeltal Bachajón

⁴⁰ Tal ta stojol jtuhl jc'a'elchamel, la squejan sba soc hich la yalbe bayel wocol te Jesús: Teme yac ac'ane, ya xhu' awu'un te yac alecubteson, xchi.

Bible in Tzeltal de Oxchuc y Tenejapa

⁴⁰ Noptsaj tel ta stojol Jesús jtul winic te yich'oj c'a'el-chamele. La squejan sba ta stojol soc jich la yalbey: —Te jichuc awo'tane ya xju' awu'un te ya alecubtesone —xi'.

San Marcos 1:40 ပူးပေါင်းရင်းမြစ်များ

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Mateo 17:14

Te kꞌalal kꞌotik ta ba ay te genteetike, tijilaj tal jtul winik ta stojol te Jesuse. Tal skejan sba ta sit sok jich a yalbe:

San Marcos 1:41

Te Jesuse la snaꞌbe yoꞌolil sba. La spik ta skꞌab, sok la yalbe: —Ya nix jkꞌan a. ¡Kolan ta chamel! —la yut.

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.

San Lucas 22:41

Jakalej bael jich tutꞌil saklejal te ya jchꞌojtik tone, y la skejan sba ta skꞌoponel Dios teꞌa.

Hechos 7:60

Te nax a la skejan sba y tulan a kꞌopoj: —Kajwal, ma me awaꞌbe ta skuentaik te mulil to —xchi. Te kꞌalal jich a yal, cham te jꞌEstebane.

Efesios 3:14

Jaꞌ sluwar te ya jkejan jba ta stojol te Tatile.