San Marcos 1:4 - Nuevo Testamento Tzeltal de Amatenango

⁴ Jaꞌ tsꞌin te Juane tal yakꞌtalanbey yichꞌik jaꞌ ta tꞌatꞌan luwar te genteetike. Sok jich a yalbe te ya me sujtes yoꞌtanik yuꞌun te smulike sok ya me yakꞌ sbaik ta ichꞌjaꞌ, yuꞌun me jich ya spasbot perdon yuꞌun te smulike.

Bible in Tzeltal Bachajón

⁴ Te Juan yac ta yaq'uel ich'-ha' ta jochol taquin q'uinal soc yac ta yalbeyel sc'oblal ich'-ha' scuenta suhtesel-o'tanil yu'un stahel perdón yu'un muliletic.

Bible in Tzeltal de Oxchuc y Tenejapa

⁴ Jich te Juane tal ta yaq'uel ich'ja' ta jochol taquin q'uinal. Soc jich la yalbey te ants-winiquetic te ac'a sujt'es yo'tanic ta stojol te Diose, soc ac'a yac' sbaic ta ich'ja', yu'un jich me ya spasbot perdón yu'un te smulique.

San Marcos 1:4 ပူးပေါင်းရင်းမြစ်များ

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Mateo 3:6

Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.

San Marcos 1:5

Te genteetik talik ta spꞌejel estado yuꞌun Judea sok ta jtejklum Jerusalen, tal yaꞌiyik tut ya yal te Juane. La me yalik ta jamal te smulike, jich aꞌbot yichꞌik jaꞌ ta ukꞌum Jordan yuꞌun te Juane.

San Lucas 1:77

Ya me awaꞌbe snaꞌik sluwar te jtejklum yuꞌune te tutꞌil ya spastalanbot perdon yuꞌun te smulike. Jich me ya sta skolelik sbajtel kꞌinal.

San Juan 3:23

Jich euk te Juane yipal ta yakꞌel ichꞌjaꞌ te ba Enon nopol ay sok Salim, yuꞌun beno jaꞌ teꞌa. Te gentee laj tal, y la yakꞌtalanbe yichꞌjaꞌ.

Hechos 10:37

Te jaꞌexe lek ya anaꞌik te tuti kꞌot ta pasel ta spisil te ba slum juriyoetike. Lijk ta slum Galilea, te kꞌalal lajix yoꞌtan ta yalbeyel skꞌoplal ichꞌjaꞌ a te Juane.

Hechos 22:16

Y te ora to, ¿tut xan a te ya amaliye? Jajchan, kꞌana ichꞌjaꞌ. Kopojan ta skuenta te Kajwaltike, yuꞌun jich me ya spokbeyat lokꞌel a te amule”, xyuton te jꞌAnaniase.