San Marcos 1:34 - Nuevo Testamento Tzeltal de Amatenango

³⁴ Te Jesuse lekub yuꞌun ben bayal genteetik ta skajal-skaj chamel yichꞌojik, sok la slokꞌes bayal pukujetik ta yoꞌtanik. Pe ma yakꞌ kꞌopojuk te pukujetike, yuꞌun naꞌbil sba yuꞌunik.

Bible in Tzeltal Bachajón

³⁴ La slecubteslan tsobol te ay bayel ta chahp chameletic, soc la sloq'ueslan bayel pucujetic; ma ba la yac' c'opojuc te pucujetic, como la sna'beyic sba.

Bible in Tzeltal de Oxchuc y Tenejapa

³⁴ Te Jesús spisil lamaj yu'un manchuc teme ajtalamtic te chamel yich'ojique, soc la sloq'uesbey ta yo'tan tsobol pucujetic. Ma la yac' c'opojuc te pucujetique, yu'un la sna'beyic sba.

San Marcos 1:34 ပူးပေါင်းရင်းမြစ်များ

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Marcos 1:25

Te Jesuse la skom ta kꞌop te pukuje, la yalbe: —¡Chꞌenan! ¡Y lokꞌan ta yoꞌtan te winike! —la yut.

San Marcos 3:12

Jaꞌ tsꞌin te Jesuse la skom te manchuk ya yal ta jamal te tutꞌil jaꞌ Xnichꞌan te Diose.

San Lucas 4:41

Sok lokꞌ pukujetik ta yoꞌtanik te machꞌatik ayik ta chamele. Awun te pukujetike: —Jaꞌat Xnichꞌanat te Diose —xchiik ta aw. Pero te Jesuse la skom ta kꞌop te pukujetike, yuꞌun snaꞌojik ta jaꞌ te Cristoe.