San Marcos 1:22 - Nuevo Testamento Tzeltal de Amatenango

²² Te genteetik kꞌal ta yoꞌtanik yuꞌun te tut la yal ta pꞌijuteswaneje. Batsꞌi jich la yaꞌiy pꞌijuteswanej ta skuentaik te tutꞌil machꞌa yichꞌoj tulan yaꞌtel, y ma jichuk tutꞌil te maestroetik yuꞌun te mantaliletike.

Bible in Tzeltal Bachajón

²² Xcham yo'tanic yu'un te nohptesel yu'un, como hich la ya'iy p'ijubteswanej te bin ut'il te mach'a tulan ya'tel, ma pajaluc soc te escribanohetique.

Bible in Tzeltal de Oxchuc y Tenejapa

²² Bayal ayan yo'tanic yu'un te bila la yac' ta nopele, melel jich la yaiy p'ijubteswanej ta stojolic te bit'il mach'a yich'oj tulan yat'el. Ma jichuc te bit'il te jts'ibojometique.

San Marcos 1:22 ပူးပေါင်းရင်းမြစ်များ

San Mateo 13:54

y kꞌot ta slumal. Lijk ta pꞌijuteswanej te ba sinagoga yuꞌunike. Te genteetike bayal a aꞌabiyan yoꞌtanik yuꞌun. Jicha lijk yalbe sbaik: —¿Ba snop tal to te spisil ya snaꞌe? ¿Sok tutꞌil ya xjuꞌ yuꞌun spasel te milagroetike?

San Marcos 1:23

Ay talem ta sinagoga jtul winik te ochem pukuj ta yoꞌtane. Tulan a kꞌopoj:

San Lucas 2:47

Spisil te machꞌatik la yaꞌibeyik sluwar skꞌop te Jesuse, lom cham a yaꞌiyik, yuꞌun beno spꞌijil ta sjakꞌel te aꞌabiyeje.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Lucas 4:32

Lom cham a yaꞌiyik yuꞌun te tuti yal ta pꞌijuteswaneje, yuꞌun jicha kꞌopoj te tutꞌil machꞌa yichꞌoj tulan yaꞌtele.

San Juan 7:46

Te polisiaetik la sjakꞌik: —Maꞌyuk machꞌa jich ya xkꞌopoj te tutꞌil ya xkꞌopoj jaꞌi winik to —xchiik.

Hechos 6:10

pero ma juꞌ yuꞌunik te ya stsalik ta kꞌope. Porke jaꞌ ya yal te tut aꞌbil spꞌijil yoꞌtan yuꞌun te Chꞌul Espiritue.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.