San Lucas 9:60 - Nuevo Testamento Tzeltal de Amatenango

⁶⁰ Te Jesuse la yalbe: —Jaꞌ me aꞌ smuk te machꞌa pajal chamenik soke. Yan te jaꞌate, laꞌ, ban ala te tutꞌil ay ta ajwalinel te Diose —xyut.

Bible in Tzeltal Bachajón

⁶⁰ La yal te Jesús: Ha ac'a smuc te chamen winic te mach'a pajal chamen soque; yan te ha'ate, behenan, puca ta halel sc'oblal te cuentahinel yu'un Dios, xchi.

Bible in Tzeltal de Oxchuc y Tenejapa

⁶⁰ Jesús la yalbey: —Ja' ac'a smuc te mach'a pajal anima soque. Yan te ja'ate, baan ta spuquel te bit'il ay ta ajwalinel te Diose —la yut.

San Lucas 9:60 ပူးပေါင်းရင်းမြစ်များ

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Mateo 8:22

Te Jesus la yalbe: —Tsꞌakliyaon bael. Jaꞌ me aꞌ smuk te machꞌa pajal chamenik soke —xyut.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

San Lucas 15:32

Pero ora to yipalotik nax ta spasel kꞌin yuꞌun ben jun koꞌtantik, porke te awijtsꞌine chamenix a kaꞌiy, pero chaꞌkuxix kꞌoem. Kunta jmel chꞌayemix a kaꞌi, pero la jtajtikix”, xchi te state —xchi ta yalel te Jesuse.

1 Corintios 9:16

Te joꞌone ma sluwaruk te mukꞌ ya kakꞌ jba te ayon ta yalel te lek achꞌ kꞌop yuꞌun te kolele, porke jaꞌ nax yipalon ta spasel te tut albilon ta spasele. ¡Oꞌol me jba teme makꞌ ya kal te lek achꞌ kꞌope!

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

1 Timoteo 5:6

Pero te meꞌba ants te tey baem yoꞌtan a te tut ya skꞌupin te stiꞌbalule, chamenix sok te xkuxlejale.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Apocalipsis 3:1

Sok la yalbon: —Jich me xꞌatsꞌibabe xan ta sjun te ángel te ba ay te jtijkꞌ hermanoetik te aylan ta Sardise: “Ja to jich ya yal te Machꞌa yichꞌoj jukeb Espirituetik yuꞌun Dios y sok te jukeb ekꞌetike. “Kiloj spisil te tut ya apase, y kiloj te chamenate aunke ya to yalbelat te kuxulate.