San Lucas 9:48 - Nuevo Testamento Tzeltal de Amatenango

⁴⁸ Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

Bible in Tzeltal Bachajón

⁴⁸ hich la yalbe ya'iyic: Mach'ayuc a te ya yic' ha'i alal ini ta scuenta jbihil, ho'on me la yic'on abi; soc mach'ayuc a te ya yic'on te ho'one, ha me la yic' a te Mach'a sticonejon tale. Como te mach'a peq'uel ay awu'unic ta apisilic, ha me muc' stuquel, xchi.

Bible in Tzeltal de Oxchuc y Tenejapa

⁴⁸ Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

San Lucas 9:48 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 18:14

Jich euk te aTatik te ay ta chꞌulchane ma skꞌan teme ya xchꞌay jtuluk te machꞌa chꞌin ayike.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Marcos 9:37

—Te machꞌa ya yikꞌ ta sna ta joꞌon jbiil jich tutꞌil alal to, joꞌon me la yikꞌonix abi. Te machꞌa ya yikꞌon ta snae ma joꞌokon nax te ya yikꞌone, jaꞌ la yikꞌix ekꞌa te Machꞌa la stikonon tale —xchi te Jesuse.

San Lucas 10:16

“Te machꞌatik ya yaꞌibe sluwar te akꞌopike, jaꞌ a yaꞌibeyix sluwar jkꞌop abi. Te machꞌatik ya spꞌajexe, joꞌon a spꞌajikonix abi. Te machꞌa ya spꞌajone, jaꞌ a spꞌajix euk te machꞌa stikonejon tale —xchi te Jesuse.

San Lucas 14:11

Porke te machꞌa ya skꞌan akꞌel ta jkuentae ma me aꞌbiluk ta jkuenta ya xkꞌot stukel. Yan te machꞌa chꞌin yakꞌoj sbae jaꞌ me ya xꞌakꞌot ta jkuenta stukel —xchi te Jesuse.

San Lucas 22:26

Pero te jaꞌexe ma me jichuk xꞌapasik. Te jaꞌexe te machꞌa ay ta jkuenta ta awolilike jich me wakꞌ yakꞌ sba te tutꞌil bikꞌit toe. Y te machꞌa ya xmantalteswane jich me wakꞌ spas te tutꞌil te machꞌa ya xmantaltesote.

San Lucas 22:30

Y te jaꞌexe ya xweꞌ-xꞌuchꞌaex ta jmexa te ba kichꞌoj kaꞌtel ta ajwalil te joꞌone. Y ya me xnajkajex te ba mukꞌul naktajibaletik ta xchapel te lajchaytijkꞌ israeletike.

San Lucas 7:28

Ya kalbeyex te maꞌyuk jtuluk jꞌalwanej chiknajem ta yolil genteetik te pajal yaꞌtel sok te Juan Akꞌichꞌjaꞌe. Pero te machꞌa chꞌin ay te ba ay ta ajwalil te Jtatik Diose, jaꞌ me mukꞌ ay yuꞌun te Juane —xchi te Jesuse.

San Juan 13:20

Jamal ya kalbeyex: Te machꞌa ya yakꞌ ta jkuenta te machꞌa joꞌon ya jtikone, joꞌon a yakꞌonix ta jkuenta abi. Y te machꞌa ya yakꞌon ta jkuentae, jaꞌ a yakꞌix ta jkuenta euk te Machꞌa la stikonon tale —xchi te Jesuse.

San Juan 14:21

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

1 Tesalonicenses 4:8

Jich yuꞌun, te machꞌa ya spꞌaj te nojpesel to, ma jaꞌuk ya spꞌaj jtul winik, sino ke jaꞌ ya spꞌaj te Diose, te jaꞌ la yaꞌbeyex te Chꞌul Espíritu yuꞌune.

1 Pedro 5:6

Chꞌunul me xꞌawakꞌ abaik ta yanil skꞌab Dios te bayal spodere, yuꞌun ya me yakꞌex ta ichꞌel ta jkuenta te tut ora ya sta yoraile.

Apocalipsis 21:14

Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.