San Lucas 9:41 - Nuevo Testamento Tzeltal de Amatenango

⁴¹ La sjakꞌ te Jesuse: —Jaꞌex genteetik te maꞌyuk xchꞌuunel awoꞌtanik sok te ma lek awoꞌtanike. ¿Jayeꞌ xan kꞌaal te ya joyinexe sok te ya jtsꞌikbeyex te tut ayexe? Ikꞌbonik te anichꞌane —xchi.

Bible in Tzeltal Bachajón

⁴¹ La yal te Jesús: ¡Ay, jcaj ts'umbalil te mayuc sch'uhunel awo'tanic soc chopol awo'tanic! ¿Jayeb to xan c'ahc'al ya sc'an ya joquinex soc te ya xcuhch cu'un? Ic'a tal te anich'ane, xchi.

Bible in Tzeltal de Oxchuc y Tenejapa

⁴¹ La yal te Jesuse: —Bit'il ayex a, te ma'yuc xch'uunjel awo'tanique soc te ma lecuc awo'tanique. ¿Jayeb me xan c'aal te ya joinexe soc te ya jts'icbeyex te bit'il ayexe? Ic'bon tel quil te anich'ane —xi'.

San Lucas 9:41 ပူးပေါင်းရင်းမြစ်များ

San Mateo 11:28

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

San Mateo 12:39

La sjakꞌ te Jesuse: —Te genteetik to ma tsaꞌamuk yoꞌtanik sok ma junuk yoꞌtanik ta stojol Dios. Jaꞌ nax ya skꞌan yilik seña milagro. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose.

San Mateo 12:45

Jich ya xba sle xan tal jukeb xan sjoy te kꞌax ma tsaꞌamuk yaꞌtelik. Spisilik ya xꞌoch snaimbey yoꞌtan te gentee. Kꞌax ma tsaꞌamuk ya sujt te gentee tutꞌil te nail toe. Jich me ya xkꞌot te genteetik te kuxulik ta balmilal te ora to te ma tsaꞌamuk yoꞌtanike —xchi te Jesuse.

San Mateo 16:4

Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

San Mateo 17:17

La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.

San Mateo 23:36

Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.

San Mateo 3:7

Te Juane la yil te bayal fariseoetik sok saduseoetik te talik yuꞌun ya skꞌan yichꞌik jaꞌ. La yaltalanbe: —Te jaꞌexe jaꞌ stsꞌumbalex kꞌoem te tiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel a te tulan kastigo te nopol xtale?

San Marcos 10:14

La yil tsꞌin te Jesuse, ma tsaꞌamuk la yaꞌi, y la yal: —Taluk ta jkuenta te untike. Ma me komik, porke te machꞌa jachik yoꞌtanik tutꞌil untik to, ya xjuꞌ ya xꞌoch te ba ay te Diose.

San Marcos 10:49

Yo tejkꞌaj tsꞌiin te Jesuse, sok la yal: —Ikꞌaik tal —xchi. Jich a yikꞌik tal te chok winike. Albot yuꞌunik: —Junuk awoꞌtan. Jajchan. Ya yikꞌatix —xchiik.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Lucas 8:25

Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.

San Lucas 9:40

La jkꞌambeyix pawor te jnopojeletik awuꞌune te yauk slokꞌesbon te pukuj te ay ta yoꞌtan te jnichꞌane, pero maꞌ juꞌ yuꞌunik slokꞌesel —xchi.

San Lucas 9:42

Kꞌalal tijilaj tal te kereme, chꞌojot ta lum yuꞌun te pukuje y xmetmun lijkel. Pero te Jesuse la skom te pukuje, y la slekutes te kereme, y la yaꞌbe ta skꞌab te state.

San Juan 14:9

Te Jesuse la sjakꞌbe: —Felipe, bayalix kꞌaal te joyinejexe. ¿Ma to ya anaꞌbikon jba? Te machꞌa la yilonixe, yilojix euk te jTate. ¿Tuꞌun te ya akꞌan ya kakꞌ awil te jTate?

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

Hechos 13:18

Dios a stsꞌikbe kuarenta jabꞌil te tut ma tsaꞌamuk la spasik te ba jojchol takin kꞌinale,

Hechos 2:40

Te jPedroe la to xan yalbe lek te skꞌop Diose y la stsits te jaꞌ lek te yauk xchꞌuunike. Y la yaltalanbe: —Pita abaik tal lokꞌel te ba genteetik te ma tsaꞌamuk yoꞌtanike —xchi.

Romanos 2:4

¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

Hebreos 3:19

Y teꞌ ya kiltik a te maꞌ spas a ochik baele porke maꞌ xchꞌuunik.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.