San Lucas 9:33 - Nuevo Testamento Tzeltal de Amatenango

³³ Te kꞌalal la spit sbaik bael te cheb winketike, te jPedroe la yal: —Maestro, ben tsaꞌam te liꞌ ayotike. Ya jpastik oxwol yaxna: jun awuꞌun, jun yuꞌun te jMoisese, sok jun yuꞌun te jꞌEliase —xchi te jPedroe. Yuꞌun te jPedro maꞌ snaꞌ tut ya yal.

Bible in Tzeltal Bachajón

³³ C'alal yacaliquix ta bahel a te cheb winiquetic, te Pedro la yalbe te Jesús: Maestro, ha lec te li' ayotique. Ya jpascotic oxeb yaxna, jun awu'un, jun yu'un Moisés soc jun yu'un Elías, xchi. Yu'un ma ba la sna' bin yac ta yalel.

Bible in Tzeltal de Oxchuc y Tenejapa

³³ Te c'alal yacaliquix ta bael a te cheb winiquetique, te Pedro la yal: —Maestro bin nax yutsil te li' ayotic to. Ja' lec jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi' te Pedroe. Yu'un ma la sna' te bila ya yal yu'une.

San Lucas 9:33 ပူးပေါင်းရင်းမြစ်များ

San Mateo 17:14

Te kꞌalal kꞌotik ta ba ay te genteetike, tijilaj tal jtul winik ta stojol te Jesuse. Tal skejan sba ta sit sok jich a yalbe:

San Mateo 17:4

Te jPedroe la yalbe te Jesuse: —Kajwal, ben tsaꞌam te liꞌ ayotike. Tem ya akꞌane, ya jpastik oxwol yaxna, jun awuꞌun te jaꞌate jun yuꞌun te jMoisese sok jun yuꞌun te jꞌEliase —xchi.

San Marcos 10:38

La sjakꞌ te Jesuse: —Te jaꞌexe ma xꞌanaꞌik te tut ya akꞌanike. ¿Me xjuꞌ wan awuꞌunik te wokolajel te ya yaꞌbelone? Sok, ¿ya wan xjuꞌ awuꞌunik te ikꞌtinel te ya kichꞌ te joꞌone? —xchi.

San Lucas 5:5

La sjakꞌ te Simone: —Ma wan, Maestro. Yuꞌun spꞌejel ajkꞌubal a aꞌtejotikix, ni jkojtuk a jtajtik. Pero yuꞌun te jaꞌat ya awale, ya me xba jchꞌoj ochel abi —xchi.

San Lucas 9:34

Yipal to ta yalel a, tal axintesek yuꞌun te tokale. La yilik te mukot ta tokale, la xiꞌ yuꞌun.

San Lucas 9:49

Te Juane la yalbe: —Maestro, la kiltik jtul winik te yipal ta slokꞌesel pukujetik ta abiil. La kalbetik te ya skom sbae, porke ma joytikuk —xchi.

San Juan 14:8

Te Felipe jich a yalbe: —Kajwal, aꞌbotik kiltik te jTatike, y teyotik abi —xchi.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.