San Lucas 9:26 - Nuevo Testamento Tzeltal de Amatenango

²⁶ Teme ya xkꞌexawex kuꞌune, sok teme ya xkꞌexawex yuꞌun te jkꞌope, jich euk te Nichꞌanile ya me xkꞌexaw awuꞌunik euk te tut ora ya xtal sok stsaꞌamul, sok stsaꞌamul te Jtate sok stsaꞌamul te chꞌul angeletike.

Bible in Tzeltal Bachajón

²⁶ Te mach'a ya xq'uexaw cu'un soc yu'un te jc'ope, ha nix hich te Nich'anil ay ta scuenta winic ya me xq'uexaw ta stojol c'alal ya xtal soc yutsilal, soc te yutsilal te Stat soc te yutsilal te ch'ul a'batetique.

Bible in Tzeltal de Oxchuc y Tenejapa

²⁶ Teme ya xq'uexawex cu'un, soc ya xq'uexawex yu'un te jc'ope, te Nich'anile, ya me xq'uexaw awu'unic uuc te c'alal ya xtal soc yutsilal te State soc te ch'ul abatetique.

San Lucas 9:26 ပူးပေါင်းရင်းမြစ်များ

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 26:64

La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

San Marcos 8:38

Teme ya xkꞌexawex kuꞌun sok teme ya xkꞌexawex yuꞌun te jkꞌope ta sit te genteetik te machꞌatik ma junuk yoꞌtanik ta skuenta Dios sok te kꞌayemik ta mulile, jichek te Nichꞌanile ya me xkꞌexaw awuꞌunik euk te tut ora ya xtal sok stsaꞌamul te Jtate y sok stsaꞌamul te chꞌul angeletike —xchi te Jesuse.

San Juan 12:43

Yuꞌun jaꞌ bayal skꞌoplal ta yoꞌtanik te jaꞌuk lek ya xꞌilot yuꞌun te genteetike, ma jaꞌuk tulan skꞌoplal ta yoꞌtanik teme lek ya xꞌilot yuꞌun te Diose.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

2 Corintios 12:10

Jaꞌ yuꞌun ben jun koꞌtan te maꞌyuk tut ya xjuꞌ kuꞌune, sok te ma xyakꞌelon ta jkuentae, sok te maꞌyuk tut ya xtuun kuꞌune, sok te ayon ta tenele y sok te ay jwokol ta skuenta te Cristoe. Porke te kꞌalal maꞌyuk jpuersa ya kaꞌiye, jaꞌ mas tulanon ya kaꞌiy a.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

1 Timoteo 5:21

Ya kalbeyat mantal ta stojol te Diose y sok te Kajwaltik Jesucristoe y sok te angeletik te tsabil yuꞌune: Jich me xꞌapas sil tiempo. Pajal me ya achap ta spisilik.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

2 Timoteo 2:12

Teme kꞌax jwokoltike, ya me joyintik te ba ay ta ajwalinele. Teme la jmuk ta koꞌtantike, jich ya smukotik ta yoꞌtan ekꞌa.

Hebreos 11:26

La snop te jaꞌ mas lek te ya xkꞌax swokol ta ilbajinel te machꞌa te tꞌujbil yuꞌun te Diose, ke te jun yoꞌtan yuꞌun te skꞌulejal Egiptoe. Porke jaꞌ ay ta yoꞌtan te ya xꞌaꞌbot smajtan yuꞌun Dios te jich albil te ya xꞌaꞌbote.

Hebreos 13:13

Konik euk sok te Jesuse ta stiꞌil te jtejklume, y kꞌaxuk jwokoltik jich mismo te ma akꞌot ta jkuenta sok te kꞌax swokol stukele.

Judas 1:14

Sok euk te jꞌEnoke, te ja sjukkajal stsꞌumbal ta patil te jAdane, la yal ta skuenta Dios te skꞌoplal te gente abi: “La kil te Kajwaltike te sjoyinej tal ta jmil y ta jmil te angeletik yuꞌune.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 3:5

Te machꞌaik ya xjuꞌ yuꞌunik tsalawe jich me sak te skꞌuꞌ spakꞌ te ya xꞌaꞌbote. Y makꞌ me ya jtupꞌbey te sbiilik te ba ay ta jun yuꞌun te kuxlejale. Sino ke ya kaltalan ta jamal ta stojol te Jtate y ta stojol te angeletik yuꞌune.