San Lucas 9:2 - Nuevo Testamento Tzeltal de Amatenango

² La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

Bible in Tzeltal Bachajón

² La sticonlan bahel ta halbeyel sc'oblal te cuentahinel yu'un Dios soc ta slahmajtesel jchameletic.

Bible in Tzeltal de Oxchuc y Tenejapa

² La sticun bael ta xcholel te bit'il ay ta ajwalinel te Diose soc ta slamantesel jchameletic.

San Lucas 9:2 ပူးပေါင်းရင်းမြစ်များ

San Mateo 10:5

Te Jesuse la stikon bael te lajchaytulike sok la spas bael ta mantal: —Ma me baanik te ba ay te ma israeluke, sok ma me ochanik te ba jtejklumetik yuꞌun te samariaetike.

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

San Mateo 24:14

Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

San Marcos 6:12

Jich lokꞌik bael te jnopojeletik, ba yalbe te genteetik te a me sujtes yoꞌtanik yuꞌun te smulike.

San Lucas 10:1

Ta patil te Kajwaltike la stuj xan setenta ta jtul winketik. Ta cheb cheb a stikonlan bael ta spisil te jtejklum te ba luwaretik te ba puersa ya xkax ae.

San Lucas 10:11

“Te stsꞌubil lumil te alumalik te ay ta koktike ya jkustik jilel yuꞌun seña te ma joꞌukotik ta jkuentatik te ma xꞌachꞌuunike. Pero naꞌbeyaik me sluwar te nopol ya xlijkix ta mantal te Kajwaltik Diose”, ya me awutik.

San Lucas 10:9

Lekutesbeya xchamelik te jayeb ayik ta chamel teꞌ ae. Y jich me xꞌawalbeyik: “Nopol ya xlijkix ta mantal te Kajwaltik Dios te ba ayexe —xchaex me.

San Lucas 16:16

Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

San Lucas 9:11

Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.