San Lucas 9:18 - Nuevo Testamento Tzeltal de Amatenango

¹⁸ Ay jun kaal te Jesuse ba skꞌopon Dios ta stukel nax. Sjoyinej te jnopojeletik yuꞌune. La sjojkꞌolambe: —¿Tut ya yal ya awaꞌiy te genteetike? ¿Machꞌa ya skuyikon a? —xchi.

Bible in Tzeltal Bachajón

¹⁸ C'alal q'uejel bahem ta sc'oponel Dios a te Jesús, sjoc tey a te jnopojeletic yu'un, hich la sjoc'obe: ¿Mach'a ya scuyonic a te ants-winiquetique? xchi.

Bible in Tzeltal de Oxchuc y Tenejapa

¹⁸ Ay q'uejel bajt' ta sc'oponel Dios te Jesuse. Sjoinej te jnopojeletique. Tey la sjojc'obey yaiy a: —¿Mach'aon me ta sc'opic a te ants-winiquetique? —xi'.

San Lucas 9:18 ပူးပေါင်းရင်းမြစ်များ

San Mateo 14:23

Te kꞌalal lajix yoꞌtan ta skꞌoponel a te genteetike, mo bael ta wits, ba skꞌopon Dios ta stukel nax. Kꞌalal och te ajkꞌubale, stukel wolol te ba wits te Jesuse.

San Mateo 26:36

Te Jesuse sok te jnopojeletik yuꞌune bajtik te ba chꞌin luwar Getsemani sbiile. Te Jesus la yaltalanbe: —Naklanik jil liꞌ to. Ya xba jkꞌopon Dios lume —xchi.

San Lucas 11:1

Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

San Lucas 3:21

Te kꞌalal yipal to ta yaꞌbeyel yichꞌ jaꞌ a te genteetik te Juane, tal skꞌan yichꞌ jaꞌ euk te Jesuse. Kalal yipal ta skꞌoponel Dios a te Jesuse, jam te chꞌulchane.

San Lucas 6:12

Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

San Lucas 9:19

La sjakꞌik: —Ay ya yalik te jaꞌat Juanat te Akꞌichꞌjaꞌe. Te yane ya yalik te jaꞌat Eliasate. Sok ay yan ya yalik te jaꞌat jtul te antibo jꞌalwanejat yuꞌun Dios te chaꞌkuxem tale —xchiik.

San Lucas 9:28

Ayix wan waxkeꞌ kꞌaal a te jich a yal te Jesuse, mo bael ta wits yuꞌun ba skꞌopon Dios teꞌa. La yikꞌ bael te jPedroe, te Jacoboe, sok te Juane.

San Lucas 9:29

Yipal ta skꞌoponel Dios a te Jesuse yanej te site. Te skꞌuꞌ-spakꞌe xlemet bael te sakile.