San Lucas 8:31 - Nuevo Testamento Tzeltal de Amatenango

³¹ Te pukujetike la skꞌambeyik pawor te Jesuse te manchuk ya xchꞌojot ochel ta chꞌen yuꞌune.

Bible in Tzeltal Bachajón

³¹ X'ajwalc'opojic te manchuc ya xticonotic bahel ta xahab yu'une.

Bible in Tzeltal de Oxchuc y Tenejapa

³¹ Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

San Lucas 8:31 ပူးပေါင်းရင်းမြစ်များ

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Lucas 8:28

Te kꞌalal la yil te Jesuse la skejan sba ta sit, y lijk awunuk: —Jesus, ¿tuꞌun te tal awochintayone? Jaꞌat te Xnichꞌanat te Chꞌul Dios te ay ta chꞌulchane. Awokoluk ma me xꞌawilbajinon —xchi ta aw.

San Lucas 8:32

Pero ay ben bayal chitametik yipalik ta weꞌel ta wits, jaꞌ yuꞌun te pukujetike la skambeyik pawor te Jesuse te yauk xꞌakꞌot ochel ta yoꞌtan te chitametike. Jich a yakꞌ permiso te Jesuse.

Romanos 10:7

“Sok ma me jichuk ya awal xan: ‘Machꞌa me te ya xko bael te ba ay yutil chꞌene’, ma me xchiukex”, xchi te Moisese. Jaꞌ bi yuꞌun ya yikꞌ moel Cristo te ba ay te animaetike.

Apocalipsis 11:7

Pero te kꞌalal lajix yoꞌtanik ta yalel a te skꞌoplale, te chanbalam te xiꞌbentik sba ta ilel ya xlokꞌ tal ta chꞌen yuꞌun ya xtal smak. Ya me stsalotik yuꞌun sok ya me xmilotik yuꞌun.

Apocalipsis 17:8

Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 9:11

Te statal yuꞌun te kꞌulubetike, ja te ángel yuꞌun te chꞌen te lom toyole. Te sbiil ta hebreo-kꞌope: Abadon, y ta griego-kꞌope: Apolion.