San Lucas 8:30 - Nuevo Testamento Tzeltal de Amatenango

³⁰ Te Jesuse la sjojkꞌobe te winike: —¿Tuti biil? —xyut. Te winike la sjakꞌ: —Te jbiil te joꞌone Bayalon —xchi. Jich a yal yuꞌun bayal te pukujetik te ochem ta yoꞌtane.

Bible in Tzeltal Bachajón

³⁰ Hich joc'obot yu'un te Jesús: ¿Bin abihil? xchi. La sjac' te winique: Legión, xchi, como tsobol pucujetic ochemic ta yo'tan.

Bible in Tzeltal de Oxchuc y Tenejapa

³⁰ Te Jesús la sjojc'obey te winique: —¿Bi abiil? —xi'. Te winique la yal: —Te jo'one Tsobolon xi' te jbiile —xi'. Jich la yal yu'un tsobol te pucujetic te ochem ta yo'tane.

San Lucas 8:30 ပူးပေါင်းရင်းမြစ်များ

San Mateo 26:53

¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Mateo 8:29

Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

San Marcos 16:9

Te kꞌalal chaꞌkuxemix tal a te Jesuse, ta ben sab ta primer kꞌaal yuꞌun te semanae, jaꞌ nail la yakꞌ sba ta ilel yuꞌun te xMaria Magdalena te lokꞌesbil jukeb pukujetik ta yoꞌtan yuꞌune.

San Marcos 5:9

Jesus la sjokꞌobe: —¿Tuti biil? —la yut. La yal: —Te joꞌone Bayalon xchi te jbiile, yuꞌun ben bayalotik —xchi te winike.

San Lucas 8:2

Sok ay antstik te la slokꞌesbeyix pukuj ta yoꞌtanike sok te la slekutesbeyik xchamelik te sjoyinejik ta beel euk te Jesuse. Jaꞌ te xMaria te xMagdalena sbiile te lokꞌem jukeb pukuj ta yoꞌtane.

San Lucas 8:29

Jich a yal te winike, yuꞌun pasotix ta mantal yuꞌun Jesus te pukuje te ya xlokꞌ ta yoꞌtan te winike. Bayalix buelta te aꞌbot yip yuꞌun te pukuje. Ay achukbotix ta kadena te yok-skꞌab yuꞌun te genteetike yuꞌun jich chukul ya skanantayik, pero ya xtuchꞌ yuꞌun te kadenae. Sok ya sitꞌesot lokꞌel yuꞌun pukuj te winike, ya xbajt te ba jochol te luware.