San Lucas 8:27 - Nuevo Testamento Tzeltal de Amatenango

²⁷ Te kꞌalal kojtal ta barko te Jesuse, tijilaj tal te ba ay Jesus te jtul winik yuꞌun te jtejklume. Ayix bayal kꞌaal a te ay pukuj ta yoꞌtane. Makꞌ ya slapix skꞌuꞌ-spakꞌ, sok maꞌyukix ta sna. Jaꞌ snainejix te kampusanoe.

Bible in Tzeltal Bachajón

²⁷ C'alal loc' ta barco ta ti'ha' te Jesús, tal ta tahel yu'un jtuhl winic loq'uem tal ta pueblo, te ayix ora yochel pucuj ta yo'tan. Ma sc'an ya slap sc'u', soc ma ba ya xnahin ta na, ha snahinej te muquenaletic.

Bible in Tzeltal de Oxchuc y Tenejapa

²⁷ C'alal loq'uemix ta barco a te Jesuse, noptsaj tel ta stojol jtul winic te loq'uem tel ta lume. Ayix bayal c'aal te ay pucujetic ta yo'tan, soc te ma'yuquix sc'u'-spac' ya xbeene, soc te ma'yuc bay ya x'ainix ta snae. Ja' snainejix te muquenaletique.

San Lucas 8:27 ပူးပေါင်းရင်းမြစ်များ

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Marcos 5:15

Te kꞌalal kꞌoik te ba ay te Jesuse, te kꞌo yilik nakal a te winike, slapojix a te skꞌuꞌ-spakꞌe, sok ya snaꞌix kꞌinal a. Ma yanuk, jaꞌ te machꞌa ay bayal pukujetik ta yoꞌtan ta nail toe. Te genteetik bayal a xiꞌik yuꞌun.

San Lucas 8:26

Jicha laj lokꞌ kꞌoel ta slum Gadara te ay ta jejch mar te jun nax yiloj sba sok te Galileae.

San Lucas 8:28

Te kꞌalal la yil te Jesuse la skejan sba ta sit, y lijk awunuk: —Jesus, ¿tuꞌun te tal awochintayone? Jaꞌat te Xnichꞌanat te Chꞌul Dios te ay ta chꞌulchane. Awokoluk ma me xꞌawilbajinon —xchi ta aw.