San Lucas 8:24 - Nuevo Testamento Tzeltal de Amatenango

²⁴ Jicha ba stijik jajchel te Jesuse, y la yalbeyik: —¡Maestro, Maestro! ¡Ya skꞌan smulotik jaꞌ! —xyutik. Te Jesus jajch, y la skom te ikꞌe sok te spuersa jaꞌe. Jicha kom spisil y ben lek senel a laj jil.

Bible in Tzeltal Bachajón

²⁴ Te jnopojeletic baht stijic hahchel te Jesús: ¡Maestro, Maestro, ya xlajotiquix! xchihic. Cux yo'tan te Jesús, la scom te ic' soc te mar te yac ta ixtalanel ta ic'. Hich quehchaj, lamal bahel q'uinal.

Bible in Tzeltal de Oxchuc y Tenejapa

²⁴ Jich ba stijic jajch'el te Jesuse, soc la yalbeyic: —¡Maestro, Maestro! ¡Ya xlajotic ta ja'! —la yutic. Jajch' te Jesuse. La scom te iq'ue soc te yip sbul te mare. Jich quejch'aj soc lamal q'uinal c'ot ta lec.

San Lucas 8:24 ပူးပေါင်းရင်းမြစ်များ

San Mateo 14:30

Pero la yil te ben tulan te ikꞌe, tal xiꞌel ta yoꞌtan yuꞌun. Lijk mulek koel ta jaꞌ. Lijk awunuk: —¡Tsakaon Kajwal! —xchi.

San Mateo 8:25

Te jnopojeletik yuꞌune ba stijik jajchel. Jich a yalbeyik: —¡Kajwal, koltayaotik! ¡Ya skꞌan smulotik jaꞌ! —la yutik.

San Marcos 4:39

Jajch tsꞌiin te Jesuse. La yalbe mantal te ikꞌe sok la yalbe ekꞌa te mare: —¡Chꞌenan, senan aba! —la yut. Kom tsꞌiin te ikꞌe, y ben tsaꞌam a jil.

San Lucas 4:35

Te Jesuse la skom ta kꞌop te pukuje, jich a yalbe: —¡Chꞌenan! ¡Lokꞌan tal te ba yoꞌtan te winike! xyut. Te winike chꞌojot ta lum yuꞌun te pukuje te ba yolil te genteetike, jicha lokꞌ ta yoꞌtan te winike. Maꞌyuk a ejchenaj jilel.

San Lucas 4:39

Te Jesuse la snijan sba, la skꞌelube sit, la skombe te skꞌajkꞌe, y ora lekub. Tsꞌina jajch te meꞌele, lijk ta makꞌlinwanej.

San Lucas 5:5

La sjakꞌ te Simone: —Ma wan, Maestro. Yuꞌun spꞌejel ajkꞌubal a aꞌtejotikix, ni jkojtuk a jtajtik. Pero yuꞌun te jaꞌat ya awale, ya me xba jchꞌoj ochel abi —xchi.

San Lucas 8:25

Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.