San Lucas 8:21 - Nuevo Testamento Tzeltal de Amatenango

²¹ Te Jesuse la sjakꞌ: —Jaꞌ jmeꞌ sok jaꞌ kijtsꞌinab kꞌoem te machꞌatik ya yaꞌibeyik sluwar te skꞌop Diose sok te ya spasik te tut ya yale —xchi.

Bible in Tzeltal Bachajón

²¹ La sjac' te Jesús: Ha jnan soc ha quihts'inab te mach'atic ya ya'iyic te sc'op Dios soc te ya spasique, xchi.

Bible in Tzeltal de Oxchuc y Tenejapa

²¹ Te Jesús la yal: —Ja' jme' soc ja' quijts'inab c'oem te mach'atic ya yaiybeyic stojol sc'op te Diose soc te ya spasic te bila ya yale —xi'.

San Lucas 8:21 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Mateo 28:10

Te Jesuse jich a yaltalanbe: —Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

San Lucas 8:20

Ay machꞌa ba yalbe te Jesuse: —Te ameꞌe sok te awijtsꞌinabe lum ayik ba juerae, yuꞌun laj ya skꞌan skꞌoponat —xchi.

San Juan 13:17

Teme kꞌot ta awoꞌtanike, sok teme jich ya apasike, ben me tsaꞌam alekilik.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

2 Corintios 5:16

Jaꞌ yuꞌun, te joꞌotike ma yajtaluk koꞌtantik te tut yilel te gente liꞌ ba balmilale. Te nail toe ya jkuytik te Cristoe pajal sok te tutꞌil ay te gentee. Yan te ora to ma jichukix jkuyojtik te jich aye.

2 Corintios 6:18

Y joꞌon Tatilon me awuꞌunik, y te jaꞌexe kuntikilex me y kantsil-nichꞌanex me”, xchi te Kajwaltik te spisil ya xjuꞌ yuꞌune.

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

3 Juan 1:11

Hermano te kꞌuxat ta koꞌtane, ma me jaꞌuk xꞌatsꞌakliy te tut ma lekuk ya spase; jaꞌuk me xꞌatsꞌakliy te tutik leke. Te machꞌa lek te tut ya spase, jaꞌ yuꞌun te Diose; pero te machꞌa ya spas te tut ma lekuke, yuꞌun ma snaꞌbe sba te Diose.