San Lucas 8:17 - Nuevo Testamento Tzeltal de Amatenango

¹⁷ Porke maꞌyuk tut nakbil te max chiknaje sok maꞌyuk mukul-kꞌop te makꞌ xchiknaj ta stojol te genteetike, y puersa ya xchiknaj ta sakil kꞌinal.

Bible in Tzeltal Bachajón

¹⁷ Como mayuc bin mucul te ma ba ya xchicnaj ta patil; soc mayuc bin nac'al te ma ba ya xna'ot soc te ya xloc' tal ta sacal q'uinal.

Bible in Tzeltal de Oxchuc y Tenejapa

¹⁷ Ja' nix jich ma'yuc bila ya xju' ta naq'uel te ma xyich' chicnantesele. Soc ma'yuc muquen-c'op te ma xyich' aiyel stojole, soc te ma xchicnaj ta saquil q'uinale.

San Lucas 8:17 ပူးပေါင်းရင်းမြစ်များ

San Mateo 10:26

“Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

San Marcos 4:22

Jich mismo tsꞌin ekꞌa, maꞌyuk tut nakꞌal te ma xkꞌot ta chiknajele, sok maꞌyuk tut mukul a te ma xkꞌo yakꞌ sba ta chiknajele.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.