San Lucas 8:15 - Nuevo Testamento Tzeltal de Amatenango

¹⁵ Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

Bible in Tzeltal Bachajón

¹⁵ Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

Bible in Tzeltal de Oxchuc y Tenejapa

¹⁵ Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

San Lucas 8:15 ပူးပေါင်းရင်းမြစ်များ

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

San Lucas 11:28

Te Jesuse la sjakꞌ: —Jaꞌ ben tsaꞌam slekil te machꞌatik ya yaꞌibeyik sluwaril te skꞌop Diose, y ya xchꞌuunik —xchi.

San Lucas 6:45

Te winik te lek yoꞌtane lek te tut ya yal lokꞌel ta stiꞌe, yuꞌun lek te tut ay ta yoꞌtane. Yan te winik te ma tsaꞌamuk yoꞌtane, ma lekuk te tut ya yal lokꞌel ta stiꞌe, yuꞌun ma tsaꞌamuk te tut ay ta yoꞌtane. Jich ta jkꞌoptik ya xchiknaj te tut ma tsaꞌamuk ay ta koꞌtantike.

San Lucas 8:14

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

San Lucas 8:16

“Maꞌyuk machꞌa ya stsun slampara te ay tut ya smuk aye, niuk yuꞌun ya yakꞌ ta yanil wayibal. Ya yakꞌ ta xtuchtajib, yuꞌun jich ya yil kꞌinal a te machꞌatik ya xꞌochik ta snae.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Romanos 7:18

Porke ya jnaꞌ te tut ayone, jaꞌ bi jaꞌ te jtiꞌbalul te jmulawil winikone, maꞌyuk slekil. Yuꞌun aunke jnopoj ya jpas te tut leke, pero ma xjuꞌ kuꞌun spasel.

Romanos 7:4

Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.

Romanos 8:25

Pero teme ya jmalitik te ma to jaꞌuk te chikan ya kiltike, ya to me skꞌan te junuk me koꞌtanik ta smaliyel.

1 Corintios 7:19

Porke ma tulanuk skꞌoplal teme kichꞌojtik o ma kichꞌojtikuk sirkunsisione. Yan te tut ben tulan skꞌoplale jaꞌ te ya jchꞌuunbetik te mantaletik yuꞌun te Diose.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

Santiago 1:4

Pero oꞌtantayaik te ya awichꞌik spuersa awoꞌtanik. Jich me tsꞌakal jun awoꞌtanik ya xkꞌoex a, sok ma me ayukix tut palta awuꞌunik a.

1 Juan 2:3

Teme ya jchꞌuunbetik te mantaliletik yuꞌun te Diose, ya xjuꞌ seguro ayotik te jnaꞌojbetikix sbae.