San Lucas 8:13 - Nuevo Testamento Tzeltal de Amatenango

¹³ Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Bible in Tzeltal Bachajón

¹³ Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

Bible in Tzeltal de Oxchuc y Tenejapa

¹³ Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Lucas 8:13 ပူးပေါင်းရင်းမြစ်များ

San Marcos 6:20

Yuꞌun te Herodese la xiꞌ te Juane. La snaꞌ te toj ta winikil sok te maꞌyuk smul. Yo la yakꞌ ta kanantayel tsꞌin. Te Herodese la skꞌupin te ya yaꞌi te tutik ya yal te Juane, pero ay bayal tut ma kꞌot ta yoꞌtan.

San Lucas 8:12

Te tsꞌunubil te kꞌot ta bee jaꞌ skꞌoplal te machꞌatik ya yaꞌibe sluwar te skꞌop Diose, pero ya xtal te pukuje, ya slokꞌeslambe ta yoꞌtanik. Jich ma xchꞌuunik sok ma xkolik.

San Lucas 8:14

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

San Juan 15:6

Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

1 Corintios 15:2

Sok jaꞌ me ya xkolex yuꞌun teme makꞌ ya achꞌay ta awoꞌtanik te skꞌoplal te la kalbeyexe, sok teme ma jowiluk nax te la achꞌuunike.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 3:4

¿Me jowil nax te bayalix ta jkaj te kꞌax awokolik yuꞌune? Ma jowiluk.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 2:7

Tsꞌunulukex me lek ta skuenta stukel, jmel nax junuk awoꞌtanik yuꞌun ta skuenta te xchꞌuunel awoꞌtanik, jich tutꞌil te la awichꞌik nojpesele. Y sil tiempo albeyaik kola yal Dios.

1 Tesalonicenses 3:5

Jaꞌ yuꞌun, kꞌalal ma stsijk kuꞌun ta mas aye, la jtikon ta jojkꞌoyel tutꞌil ayex sok te tutꞌil ay te xchꞌuunel awoꞌtanike. Jaꞌ la jnaꞌ teme la achꞌuunik sujel yuꞌun te pukuje, sok te jowiluk nax ya xkꞌot te kaꞌteltike.

1 Timoteo 1:19

Ay machꞌatik te ma xyakꞌik ta jkuenta te tut lek ta pasele. Chꞌayix xchꞌuunel yoꞌtanik yuꞌun.

Hebreos 10:39

Y te joꞌotike ma jachikukotik tutꞌil te machꞌatik ya sujt ta spatike, te chꞌayel ya xlaj bajtik yuꞌune. Jaꞌ pajalotik sok te machꞌatik ya staik te kolele porke ay xchꞌuunel yoꞌtanik.

Santiago 2:26

Jich tutꞌil chamen ay jun tiꞌbalulil teme maꞌyuk xchꞌulele, jich euk chamen te xchꞌuunel-oꞌtanile teme maꞌyuk te tut juꞌem yuꞌun spasele.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

2 Pedro 2:22

Pero te stukelike jaꞌ a kꞌot ta pasel te jich abil jilele: “Te tsꞌiꞌe la xchaꞌloꞌ xan te xee, y sok te meꞌ chitam te nusesbilixe la xchaꞌbalan sba xan ta ajchꞌal”, xchi me.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

Judas 1:12

Jaꞌ nax ya yakꞌex ta kꞌexlal te tutꞌil sjoyinejex ta spasel te kꞌin te skuenta xkꞌuxul awoꞌtan abaike. Yuꞌun te stukelik te lom jun yoꞌtanik ya xweꞌ-xꞌuchꞌaike, ni maꞌ xꞌakꞌawan ta jkuenta te tut sluwar te kꞌine. Jaꞌ jkananetik te stukel nax mismo ya skanantay sbaike. Jachik tutꞌil tokaletik te maꞌyuk yaꞌlel te ya xtal xbajt yuꞌun te ikꞌe. Pajal sok teꞌetik te ma sitin ta yoraile. Chaꞌmel chamen y bulbil kꞌalal ta yisim.