San Lucas 7:40 - Nuevo Testamento Tzeltal de Amatenango

⁴⁰ Jich te Jesuse la yalbe te fariseoe: —Simon, ay tut ya kalbeyat awaꞌi —xchi.

Bible in Tzeltal Bachajón

⁴⁰ Ha yu'un hich la yal te Jesús: Simón, ay bin ya calbat, xchi. Halbon, Maestro, xchi.

Bible in Tzeltal de Oxchuc y Tenejapa

⁴⁰ Te Jesús la yalbey te fariseoe: —Simón, ay bila ya calbat awaiy —xi'. La yal te fariseoe: —Yacuc, Maestro —xi'.

San Lucas 7:40 ပူးပေါင်းရင်းမြစ်များ

San Mateo 26:49

Te Judase tijilaj tal te ba ay te Jesuse. Jicha yal: —Chꞌul ajkꞌubal, maestro —xchi, y la yujtsꞌiy.

San Mateo 7:22

Ta slajibal kꞌaal ay me bayal ya yalbikon: “Kajwal, Kajwal, ¿me yuꞌun wan maꞌyuk a kaltik akꞌop te joꞌotike? Sok la jlokꞌestik pukujetik ta akuenta. Sok ta akuenta la jpastik bayal ta kaj milagroetik”, xchiik me ta jtojol.

San Lucas 18:18

Ay jtul te machꞌa statal yuꞌun te juriyoetik la sjojkꞌobey te Jesuse: —Ben lekat Maestro. ¿Tut ya skꞌan ya jpas te tutꞌil ya jta te jkuxlejal sbajtel kꞌinale? —xchi.

San Lucas 5:22

Pero te Jesuse la snaꞌ te tut yipalik ta yalel ta yoꞌtanike, y la sjojkꞌolanbe: —¿Tut yuꞌun te jich ya awal ta awoꞌtanike?

San Lucas 5:31

Te Jesuse la sjakꞌtalanbe: —Te machꞌatik lek bujtsꞌan kꞌinal ya yaꞌiyik sok te stibalulike ma puersauk yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

San Lucas 6:8

Pero te Jesuse snaꞌoj te jich ay te yoꞌtanike. La yalbe te winik te mel makꞌ snik sba te skꞌabe: —Jajchan, tekꞌlan te ba olile —xchi. Te winike jajch, la stejkꞌan sba.

San Lucas 7:39

Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

San Lucas 7:41

La sjakꞌ te fariseoe: —Albon tal, Maestro —xchi. Jich lijk yalbe te Jesuse: —Ay cheb winketik te la sbetanbeyik stakꞌin te machꞌa ay stakꞌine. Te jtule la sbetan kiniento denario takꞌin, te yane la sbetan sinkuenta. Y ma juꞌ yuꞌunik stojel. Jich te yajwal takꞌine xchebal la spasbe perdon, ma yaꞌbe stoj te sbete.

San Juan 13:13

Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

San Juan 16:19

Te Jesuse la snaꞌ te yoꞌtanikuk ya sjojkꞌoyike y la yaltalanbe: —La kalbeyex te “liꞌ xanix ta jtsꞌin te makꞌ ya awilbikonix jsite, pero ta patil ya awilbikon xan jsit”, te xchone. ¿Me jaꞌ te yipalex ta yalele?

San Juan 16:30

Te ora to la jnaꞌtikix te spisil ay ta awoꞌtane, jich ma puersaukix te ay machꞌa ya sjojkꞌobeyat xane. Jaꞌ yuꞌun ya jchꞌuuntik te talemat ta stojol te Diose —xchiik.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.