San Lucas 7:39 - Nuevo Testamento Tzeltal de Amatenango

³⁹ Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

Bible in Tzeltal Bachajón

³⁹ C'alal hich la yil te fariseo te yic'oj ta we'el te Jesús, la yal ta yo'tan: Te ha'uc jalwanej ha'i winic ini, ya sna'be sba mach'a a soc bin yilel stalel te ants te yac ta picbeyel yoc yu'un te hichuque, como ha jmulawil, xchi ta yo'tan.

Bible in Tzeltal de Oxchuc y Tenejapa

³⁹ Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Lucas 7:39 ပူးပေါင်းရင်းမြစ်များ

San Mateo 20:16

“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Marcos 7:21

Jich ta yutil awoꞌtanik ya anopik spisil te tut ma tsaꞌamuke. Teꞌ ya xlokꞌ tal a te ya apasik antsiwejele, sok te elekꞌe, sok milaw,

San Lucas 12:17

Te jkꞌulej winike lijk ta pensar: “¿Tut ya skꞌan ya jpas? Yuꞌun maꞌyuk ba ya jkꞌej te jkosechae.”

San Lucas 15:2

Pero te fariseoetike sok te maestroetik yuꞌun te mantaliletike lijk yaꞌbiyanik ta mukul. Jich a yalik: —Te winik to jun yoꞌtan sjoyinej sba sok ta weꞌel te jmulawiletike —xchiik ta yaꞌbiyanel ta mukul te Jesuse.

San Lucas 16:3

Jich te jkanane lijk spas pensar: “¿Tut lek ya jpas te tutꞌil ya slokꞌesonix ta kaꞌtel te kajwale? Yuꞌun ma xjuꞌix kuꞌun te tulan aꞌtele, sok ya xkꞌexawon teme lijkon ta kꞌambajele.

San Lucas 18:4

Te alkale ayix kꞌaal te ma skꞌan a xchape, pero ta patil la snop: “Manchuk me makꞌ xiꞌon yuꞌun te Diose sok ni ma xkakꞌ ta jkuenta te winketike,

San Lucas 3:8

A me chiknajuk ta ilel ta awaꞌtelik te tutꞌil sujtemix awoꞌtanik yuꞌun te amulike. Ma me xꞌawalik: “Te joꞌotike stsꞌumbalotik Abraham”, ma me xchanik. Yuꞌun jamal ya kalbeyex te ya xjuꞌ yuꞌun te Diose te ya sujtes ta stsꞌumbal jꞌAbraham te tonetik to.

San Lucas 7:16

Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

San Lucas 7:37

Ay jtul jmulawil-ants te ba jtejklume te la yaꞌibe sluwar te ikꞌot ta weꞌel te Jesus te ba sna te fariseoe. Jicha bajt teꞌa te antse. Yichꞌoj bael jun limeta te pasbil ta alabastro-ton te nojel ta perfumee.

San Lucas 7:38

Tijilaj tal te ba yok te Jesuse. La yokꞌetay sba te antse. Tꞌulaj koel yaꞌlel sit ta yok te Jesuse, sok la skusbe ta stsotsil sjol. La yujtsꞌibe te yoke y la smalbe ta perfume.

San Lucas 7:40

Jich te Jesuse la yalbe te fariseoe: —Simon, ay tut ya kalbeyat awaꞌi —xchi.

San Juan 4:19

La yalbe te antse: —Xiꞌlel, la jnaꞌix te jꞌalwanejat yuꞌun te Diose.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

San Juan 9:24

Te juriyoetike la yikꞌik xan tal te winik te machꞌa chok nail toe, y la yalbeyik: —Albotik jamal ta stojol Dios te machꞌa la sjambeyat te asite. Te joꞌotike jnaꞌojtik te jmulawil te winik ya awale —xchiik.