San Lucas 7:19 - Nuevo Testamento Tzeltal de Amatenango

¹⁹ La stikon bael ta jojkꞌoyel ta stojol te Jesuse me batsꞌi jaꞌix te Cristo te ya xtale o ay to xan yan ya xtal.

Bible in Tzeltal Bachajón

¹⁹ la sticon bahel ta banti ay te Jesús yu'un ya sjoc'obeyic: ¿Ha'at bal te mach'a talel yac, o ya to bal jmahliycotic yan? xchi.

Bible in Tzeltal de Oxchuc y Tenejapa

¹⁹ La sticun bael ta sjojc'oyel ta stojol te Jesús teme melel te ja'ix te Cristo te ya xtale o teme ay to yan te ya xtale.

San Lucas 7:19 ပူးပေါင်းရင်းမြစ်များ

San Marcos 6:7

La yikꞌ tal te lajchaytul jnopojeletik yuꞌune. Lijk stikon bael ta cheb cheb, sok la yaꞌbe spoder ta slokꞌesel te pukujetike.

San Lucas 10:1

Ta patil te Kajwaltike la stuj xan setenta ta jtul winketik. Ta cheb cheb a stikonlan bael ta spisil te jtejklum te ba luwaretik te ba puersa ya xkax ae.

San Lucas 11:1

Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

San Lucas 11:39

Te Kajwaltike la yalbe: —Te jaꞌex fariseoexe, jaꞌ nax ya asapbeyik spat te posiyoetike sok te platoetike. Pero te yutil awoꞌtanike nojel ta sbikꞌtal-oꞌtanil sok te tut ma tsaꞌamuke.

San Lucas 12:42

La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

San Lucas 13:15

Te Kajwaltike la yalbe: —Jaꞌex te ma tsaꞌamuk awoꞌtanike, ¿meꞌn ay wan jtuluk te jaꞌexe te makꞌ ya apolik ta skꞌaalel kuxo-oꞌtan te awakaxike sok te aburuike te ya xba awaꞌbeyik tal yuchꞌ jaꞌe?

San Lucas 17:5

Te apostoletike la skambeyik te Kajwaltike: —Aꞌbotik xan mas xchꞌuunel koꞌtantik —xchiik.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Lucas 18:6

La yal xan te Kajwaltike: —Aꞌiya awaꞌi te tuti yal te alkal te ma lekuk yoꞌtane.

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

San Lucas 22:61

Jich te Kajwaltike sujt skꞌelu te jPedroe, y te jPedroe la snaꞌ te tut albil yuꞌun te Kajwaltike, te “ora to antes ma to xꞌokꞌ a te tat kꞌoꞌe la amukonix ta awoꞌtan oxeb buelta a”, te xchie.

San Lucas 24:34

Y ora altalanbot: —Batsꞌi jich te chaꞌkuxix te Kajwaltike, la yilix euk te Simone —xꞌutalanot.

San Lucas 7:13

La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

San Lucas 7:20

Te machꞌatik la stikon bael te Juane, la jtijilaj bael te ba ay te Jesuse. Jich a yalbeyik: —Te Juan Akꞌichꞌjaꞌe la stikonotik tal ta sjojkꞌoyel ta atojol me jaꞌat te Cristoat te ya xtale, o teme ay to yan te ya jmalitike —xchiik kꞌoel.

San Juan 11:2

Jaꞌ te xMaria te xwix te jLazaroe te la smalbe perpume ta yok te Kajwaltike y la stakutesbe ta stsotsil sjol.

San Juan 4:1

Te fariseoetike la yaꞌiybeyik sluwar te bayalix machꞌa tsꞌaklibil yuꞌun te Jesuse y mas yipalix ta yakꞌel ichꞌjaꞌ ke te Juane.

San Juan 4:25

Te antse la yalbe: —Ya jnaꞌ te ya xtal te jMesias te Cristo xchi ta alele, y te kꞌalal ya xtale ya me yalbotik spisil stukel —xchi.

San Juan 6:23

Pero jtsꞌin to nax a ay yan barkoetik a laj kꞌot te lijk tal ta jtejklum Tiberiase. Teꞌ laj kꞌot te ba luwar te nopol nax ay a ba la sweꞌik waj te la yalbe kola yal Dios yuꞌun te Kajwaltike.

Apocalipsis 11:3

Y joꞌon ya jtikon bael cheb testigoetik sok skꞌuꞌ-spakꞌik te ay xchꞌixale te ya xkꞌopojik mil dosientos sesenta kꞌaal ta joꞌon jkuenta.