San Lucas 6:8 - Nuevo Testamento Tzeltal de Amatenango

⁸ Pero te Jesuse snaꞌoj te jich ay te yoꞌtanike. La yalbe te winik te mel makꞌ snik sba te skꞌabe: —Jajchan, tekꞌlan te ba olile —xchi. Te winike jajch, la stejkꞌan sba.

Bible in Tzeltal Bachajón

⁸ Pero na'bot yo'tanic yu'un te Jesús, hich la yalbe te winic te chamen schihal sc'ab: Hahchan, tehc'an aba ta ohlil, xchi. Hich la stehc'an sba te winique.

Bible in Tzeltal de Oxchuc y Tenejapa

⁸ Jich te Jesuse sna'oj stojol te bit'il jich ay te yo'tanique, jich yu'un la yalbey te winic te sicuben xchial sc'abe: —Jajch'an, tec'lan ta olilal —xi'. Jich jajch' te winique, tejc'aj tey a.

San Lucas 6:8 ပူးပေါင်းရင်းမြစ်များ

San Mateo 9:4

Te Jesuse la snaꞌ te tut ya yal ta yoꞌtanike. Jich a yalbe: —¿Tut yuꞌun te ma tsaꞌamuk te tut ay ta awoꞌtanike?

San Marcos 3:3

Te Jesuse la yalbe te winik te makꞌ snik sba te skꞌabe: —Jajchan, anan ta olil —la yut.

San Lucas 13:12

Kꞌalal la yil te Jesuse, la yikꞌ tal y la yalbe: —Ants, kolatix yuꞌun te achamele —xchi.

San Lucas 5:22

Pero te Jesuse la snaꞌ te tut yipalik ta yalel ta yoꞌtanike, y la sjojkꞌolanbe: —¿Tut yuꞌun te jich ya awal ta awoꞌtanike?

San Lucas 6:9

Te Jesuse la yalbe te yanetike: —Ay tut ya jojkꞌobeyex: ¿Tut a te lek ta pasel ta skꞌaalel te kuxo-oꞌtane? ¿Me jaꞌ te tut leke, o jaꞌ te tut ma lekuke? ¿Me jaꞌ lek te ay machꞌa ya xkuxuyine, o jaꞌ lek te ay machꞌa ya xchame? —xchi.

San Juan 2:25

Ma puersauk te ay machꞌa ya xꞌalbot yuꞌun te tut ay yoꞌtan te genteetike, yuꞌun stukel mismo snaꞌojbe yoꞌtan te juju-tul gentee.

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

San Juan 9:4

Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 26:26

Liꞌay te rey Agripae te ben lek snaꞌojbe sluwar spisil to, y jaꞌ yuꞌun te jamal yipalon ta kꞌop ta stojole. Porke jich ya kal te ben lek snaꞌbe sluwar spisil te jich aye, porke ma nakꞌaluk te jicha kꞌot ta pasele.

Filipenses 1:28

Sok te ni makꞌ ya xiꞌex yuꞌun te machꞌa ya skontrainexe. Jaꞌ to jaꞌ jun seña te ya yilik te chꞌayel ya xlaj jbajt stukelike. Y mismo tiempo a, jaꞌ seña te ya xkolex te jaꞌexe, yuꞌun jich nix yaloj te Diose.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.